இந்தத் திட்டத்தின் கீழ் பிரிட்டனுக்கு வருபவர்கள், ஆங்கிலக் கால்வாயைக் கடந்து நாட்டுக்குள் நுழையும் புலம்பெயர்ந்தோரைவிட குறுகிய காலத்தில் பிரிட்டனில் வசிப்பதற்கான அனுமதியைப் பெற முடியும். எனினும், முதல் ஆண்டில் ஏற்றுக்கொள்ளப்படும் அகதிகளின் எண்ணிக்கை குறைவாக இருக்கும்.
பாதுகாப்புச் சோதனைகளுக்குப் பின்னரே அனுமதி
திட்டத்தின் கீழ் வரக்கூடியவர்கள் பாதுகாப்பு ஆய்வுகளுக்கும் குற்றப் பின்னணி சோதனைகளுக்கும் உட்படுத்தப்படுவார்கள். ஐக்கிய நாடுகள் அகதிகள் உயர் ஆணையம் மற்றும் சர்வதேச அகதி உதவித் திட்டம் ஆகியவற்றின் மூலம் தகுதியானவர்கள் அடையாளம் காணப்படுவார்கள்.
முதற்கட்டமாக நூற்றுக்கணக்கானோர் ஏற்றுக்கொள்ளப்படுவர். சட்டவிரோத குடியேற்றம் குறைந்தால், பின்னர் இந்த எண்ணிக்கை ஆயிரக்கணக்காக அதிகரிக்கப்படும் என எதிர்பார்க்கப்படுகிறது. குடும்ப உறுப்பினர்கள் ஒன்றாக இடம்பெயர அனுமதிக்கப்படலாம்; ஆனால் நெருங்கிய உறவினர்களுக்கு இந்தச் சலுகை பொருந்தாது.
ஏற்றுக்கொள்ளப்படுவோரில் ஒரு சதவீதம் ஆப்கான் பெண்கள் மற்றும் சிறுமிகள், பாலஸ்தீனிய புகலிடக் கோரிக்கையாளர்கள் ஆகியோராக இருப்பார்கள் என உள்துறை அமைச்சகம் எதிர்பார்க்கிறது. UK refugee resettlement plan-ஐ இடம்பெயர்வு நிபுணர்களும் அகதி ஆதரவு அமைப்புகளும் வரவேற்றுள்ளன. இருப்பினும், இதற்குத் தகுதியானோர் எண்ணிக்கை ஆங்கிலக் கால்வாய் வழியாக வரும் புகலிடக் கோரிக்கையாளர்களைவிட மிகவும் குறைவாக இருக்கும் என அவை தெரிவித்துள்ளன.
இந்த ஆண்டில் மட்டும் 18,500-க்கும் மேற்பட்டோர் ஆங்கிலக் கால்வாய் வழியாக பிரிட்டனுக்குள் வந்துள்ளதாக அந்நாட்டின் உள்துறை அமைச்சகத்தின் அதிகாரப்பூர்வ புள்ளிவிவரங்கள் தெரிவிக்கின்றன.
