கொழும்பு–லண்டன் விமானம் ரத்து
G-YMMC பதிவு எண்ணைக் கொண்ட போயிங் 777-200ER விமானம், அடுத்த பயணத்துக்கான தயாரிப்பில் இருந்தபோது இந்தச் சம்பவம் நிகழ்ந்ததாகக் கூறப்படுகிறது. அந்த நேரத்தில் விமானத்தின் அருகே ஸ்ரீலங்கன் கேட்டரிங் நிறுவனத்தின் வாகனம் ஒன்று நிறுத்தப்பட்டிருந்ததாகவும் தெரிவிக்கப்பட்டுள்ளது. அவசரச் சறுக்கு எதிர்பாராத வகையில் திறந்ததால், தரைக் கையாளுதல் மற்றும் புறப்பாட்டுக்கு முந்தைய பணிகள் இடைநிறுத்தப்பட்டன.
நவம்பர் 17ஆம் தேதி காலை 10.35 மணிக்கு கொழும்பிலிருந்து புறப்பட்டு, மாலை 5 மணிக்கு லண்டன் கேட்விக் சென்றடைய வேண்டிய British Airways flight BA2044 ரத்து செய்யப்பட்டதாக விமானக் கண்காணிப்பு தகவல்கள் தெரிவிக்கின்றன. ரத்து செய்யப்பட்ட சேவைக்கு G-YMMC விமானமே ஒதுக்கப்பட்டிருந்ததாகவும் குறிப்பிடப்பட்டுள்ளது.
விமானம் தொடர்ந்து கட்டுநாயக்க விமான நிலையத்தில் நிறுத்தப்பட்டிருந்ததாகத் தெரிவிக்கப்படுகிறது. அவசரச் சறுக்கு எதனால் திறந்தது, விமானத்தில் ஏற்பட்ட சேதத்தின் அளவு என்ன என்பது குறித்து அதிகாரப்பூர்வ உறுதிப்படுத்தல் வெளியாகவில்லை. இந்த ரத்தால் பாதிக்கப்பட்ட பயணிகளின் எண்ணிக்கையும் இதுவரை தெளிவாகத் தெரியவில்லை.






























