விமானத் துறையின் சேவை நடைமுறைகள் ரயிலிலும்
15 ஆண்டுகளுக்கும் மேலாக விமானப் பணியாளராக பணியாற்றிய எச். தினகரன், விமானத்தில் வழங்கப்படும் உணவு, சிற்றுண்டி மற்றும் பயணியர் சேவை நடைமுறைகள் ECRL ரயிலிலும் பெரும்பாலும் ஒரே மாதிரியாக இருப்பதாகத் தெரிவித்தார். புதிய ரயில் சேவையின் தொடக்கக் குழுவில் இருப்பது, அதன் சேவைத் தரநிலைகளை உருவாக்கும் பொறுப்பையும் பெருமையையும் அளிப்பதாக அவர் கூறினார்.
பயணிகளுக்கு அன்பான வரவேற்பு, இருக்கைகளை கண்டறிய உதவி, தேவையானபோது உடைமைகளை கையாளுதல் ஆகியவற்றில் குழுவினர் கவனம் செலுத்துகின்றனர். ECRL train crew-ன் பணியில் பாதுகாப்பு முதன்மை அம்சமாக இருப்பதாகவும், விமானத் துறையின் பாதுகாப்பு கலாசாரத்தை ரயில் சேவையிலும் கொண்டு வர முயற்சி மேற்கொள்ளப்படுவதாகவும் தெரிவிக்கப்பட்டது.
சுமார் மூன்று ஆண்டுகள் விமானப் பணியாளர் அனுபவம் கொண்ட சித்தி காதிஜா சேக், அனைத்து ரயில் பணியாளர்களும் சிறப்புத் தேவையுள்ள பயணிகளுக்கு உதவ அடிப்படை சைகை மொழியில் பயிற்சி பெற்றுள்ளதாக கூறினார். ஒழுங்கற்ற நடத்தை கையாள்வதற்கும் அவர்கள் தயார்படுத்தப்பட்டுள்ளனர்.
சீனாவில் ஒரு மாதம் நடைபெற்ற தீவிரப் பயிற்சியில் ரயிலின் பாதுகாப்பு நடைமுறைகள் மற்றும் பயணியர் சேவைத் தேவைகள் கற்பிக்கப்பட்டன. பணியாளர்களின் சீருடைகளில் மலேசியாவின் பாரம்பரியத்தை பிரதிபலிக்கும் சொங்கெட் வடிவங்களும் பாட்டிக் மலர் அலங்காரங்களும் இடம்பெற்றுள்ளன.































