தெற்கு வங்காள விரிகுடா மற்றும் அதனை ஒட்டிய மேற்கு-மத்திய பகுதியில் நிலைகொண்டுள்ள ‘அக்வான்’ புயல், இன்று காலை 11.30 மணியளவில் 13.1° வடக்கு அட்சரேகை மற்றும் 85.4° கிழக்கு தீர்க்கரேகைக்கு அருகில் மையம் கொண்டிருந்தது. அது திருகோணமலையிலிருந்து சுமார் 680 கிலோமீட்டர் வடகிழக்கில் காணப்பட்டது.
ஆழ்கடல் படகுகளுக்கு உடனடி பாதுகாப்பு அறிவுறுத்தல்
வடக்கு-வடமேற்கு திசையில் நகரும் இந்தப் புயல், நவம்பர் 20ஆம் தேதி காலை 11.30 மணியளவில் இந்தியாவின் ஆந்திரப் பிரதேசக் கடற்கரையில் நெல்லூர் மற்றும் விசாகப்பட்டினம் இடையே கரையைக் கடக்கும் என எதிர்பார்க்கப்படுகிறது. பின்னர் அது படிப்படியாக வலுவிழக்கும் என தெரிவிக்கப்பட்டுள்ளது.
10° முதல் 20° வடக்கு அட்சரேகைக்கும், 80° முதல் 95° கிழக்கு தீர்க்கரேகைக்கும் இடையிலான ஆழ்கடல் பகுதிகளுக்குள் செல்ல வேண்டாம் என கடற்படை மற்றும் மீனவ சமூகங்களுக்கு அறிவுறுத்தப்பட்டுள்ளது. தற்போது அப்பகுதிகளில் உள்ளவர்கள் உடனடியாக பாதுகாப்பான இடங்களுக்கு செல்ல வேண்டும். Cyclone Akvan warning தொடர்பான அடுத்தடுத்த வானிலை அறிவிப்புகளை தொடர்ந்து கவனிக்குமாறும் கேட்டுக்கொள்ளப்பட்டுள்ளது.
































