41 வயதான லினாரஸை, ஞாயிற்றுக்கிழமை எல் பாசோ சர்வதேச விமான நிலையத்தில் அமெரிக்க எல்லைப் படை மற்றும் குடியேற்றம் மற்றும் சுங்க அமலாக்கப் பிரிவு (ICE) அதிகாரிகள் கைது செய்தனர். 2023 அக்டோபர் 26 அன்று குறுகிய காலம் தங்குவதற்கான அனுமதியுடன் அவர் அமெரிக்காவுக்குள் நுழைந்ததாகவும், அனுமதிக்கப்பட்ட காலத்தை மீறியதாகவும் ICE பேச்சாளர் தெரிவித்தார். அகற்றல் நடவடிக்கைகள் முடியும் வரை அவர் ICE காவலில் இருப்பார் என்றும் கூறப்பட்டது.
குடியேற்ற நிலை குறித்து இருதரப்பு முரண்பட்ட விளக்கம்
நிலுவையில் உள்ள விண்ணப்பம் அல்லது பணி அனுமதி அமெரிக்காவில் சட்டபூர்வமான குடியேற்ற நிலையை வழங்காது என்றும் ICE தெரிவித்துள்ளது. ஆனால் லினாரஸை பிரதிநிதித்துவப்படுத்தும் Wilner & O’Reilly சட்ட நிறுவனம், அவர் அமெரிக்காவில் தங்குவதற்கு அங்கீகாரம் பெற்றவர் என்றும், அதிகாரிகளுடன் முழுமையாக ஒத்துழைத்ததாகவும் கூறியுள்ளது. இந்த விவகாரத்தை விரைவில் தீர்க்க ICE-யுடன் தொடர்பில் இருப்பதாகவும் நிறுவனம் தெரிவித்துள்ளது.
மியாமியைத் தளமாகக் கொண்ட லினாரஸ், அமெரிக்காவில் 10-க்கும் மேற்பட்ட முறை போட்டியிட்டுள்ளார். Jorge Linares ICE detention குறித்து சமூக ஊடகத்தில், “டெக்சாஸ் எல்லைக் கடப்புப் பகுதியில் ICE என்னைக் காவலில் வைத்துள்ளது. இது பைத்தியக்காரத்தனம்” என்று அவர் பதிவிட்டார்.
2002ஆம் ஆண்டு தொடங்கிய தொழில்முறை வாழ்க்கையில் 56 போட்டிகளில் பங்கேற்ற அவர், 47 வெற்றிகளைப் பெற்றார். இறகுஎடை, சூப்பர்-இறகுஎடை மற்றும் லைட்வெல்டர்வெயிட் பிரிவுகளில் உலக பட்டங்களை வென்றார். 2023 அக்டோபரில் பிரிட்டனைச் சேர்ந்த ஜாக் கேட்டரால் தோல்வியடைந்த போட்டிக்குப் பிறகு அவர் ஓய்வு பெற்றார்.
































