கத்துவா துப்பாக்கிச்சூட்டில் நான்கு வீரர்கள் பலி
ரவி நதியின் கிளை ஆறான சேவா நதியின் குறுக்கே அமைந்துள்ள நீர்மின் நிலையப் பகுதியில் CISF வீரர்கள் ரோந்து பணியில் ஈடுபட்டிருந்தனர். அப்போது அவர்களிடையே வாக்குவாதம் ஏற்பட்டுள்ளது. இதையடுத்து, தலைமைக் காவலர் அவதேஷ் குமார் சிங் தனது ஏகே-47 துப்பாக்கியால் சக வீரர்கள் மீது சுட்டதாகக் கூறப்படுகிறது.
செப்டம்பர் 29ஆம் தேதி மாலை 6.40 மணியளவில் இந்தச் சம்பவம் நடந்துள்ளது. உதவி கமாண்டன்ட் அங்கித் குமார் பாண்டே, சப்-இன்ஸ்பெக்டர் லட்சுமண் சிங், காவலர் ரஃபீக் அகமது மற்றும் காவலர் சந்தீப் குமார் ஆகியோர் காயமடைந்தனர்.
காயமடைந்த நான்கு வீரர்களும் முதலில் இமாச்சலப் பிரதேசத்தில் உள்ள NHPC மருத்துவமனைக்குக் கொண்டு செல்லப்பட்டனர். ஆனால், சிகிச்சை பலனின்றி அவர்கள் உயிரிழந்தனர்.
CISF firing in Jammu Kashmir சம்பவத்துக்குப் பயன்படுத்தப்பட்டதாகக் கூறப்படும் துப்பாக்கி மற்றும் தோட்டாக்கள் பறிமுதல் செய்யப்பட்டுள்ளன. அவதேஷ் குமார் சிங்கிடம் 150 தோட்டாக்கள் இருந்ததாக CISF தெரிவித்துள்ளது. அவரைக் காவல்துறை கைது செய்துள்ளது. வாக்குவாதத்துக்கான காரணம் மற்றும் சம்பவத்தின் முழு பின்னணி குறித்து விசாரணை நடைபெற்று வருகிறது.
