இந்தச் சம்பவம் செப்டம்பர் 29ஆம் தேதி மாலை 6.40 மணியளவில், சேவா நதியின் குறுக்கே அமைந்துள்ள நீர்மின் நிலையம் அருகே நடந்துள்ளது. அந்தப் பகுதியில் மத்திய தொழிலகப் பாதுகாப்புப் படை வீரர்கள் ரோந்து பணியில் ஈடுபட்டிருந்தனர்.
கத்துவா துப்பாக்கிச்சூட்டில் உயிரிழந்த வீரர்கள்
துப்பாக்கிச்சூட்டில் உதவி கமாண்டன்ட் அங்கித் குமார் பாண்டே, சப்-இன்ஸ்பெக்டர் லட்சுமண் சிங், காவலர் ரஃபீக் அகமது மற்றும் காவலர் சந்தீப் குமார் ஆகியோர் காயமடைந்தனர். அவர்கள் இமாச்சலப் பிரதேசத்தில் உள்ள NHPC மருத்துவமனைக்கு அழைத்துச் செல்லப்பட்டனர். எனினும், சிகிச்சை பலனின்றி நால்வரும் உயிரிழந்தனர்.
CISF firing in Jammu Kashmir சம்பவத்துக்குப் பயன்படுத்தப்பட்டதாகக் கூறப்படும் துப்பாக்கி மற்றும் தோட்டாக்களை அதிகாரிகள் பறிமுதல் செய்துள்ளனர். அவதேஷ் குமார் சிங்கிடம் 150 தோட்டாக்கள் இருந்ததாக CISF தெரிவித்துள்ளது. அவரைக் காவல்துறை கைது செய்துள்ளது.
வாக்குவாதத்துக்கான காரணம் மற்றும் துப்பாக்கிச்சூட்டின் முழுமையான பின்னணி குறித்து தற்போது விசாரணை நடைபெற்று வருகிறது. இது தொடர்பான குற்றச் சம்பவம் குறித்து அதிகாரிகள் தொடர்ந்து தகவல்களைச் சேகரித்து வருகின்றனர்.
