பிரான்ஸ் அரசின் அதிகாரப்பூர்வ தகவல் சேவை வெளியிட்ட அறிவிப்பின்படி, Compte Personnel de Formation (CPF) கணக்கை பயன்படுத்தி டிரைவிங் லைசென்ஸ் பெறுவதற்கான புதிய விதிமுறைகள் 2026 பிப்ரவரி 21 முதல் அமலுக்கு வந்துள்ளன.

இந்த புதிய விதிகளின்படி, CPF பணத்தை பயன்படுத்தி லைசென்ஸ் பயிற்சி பெற விரும்புபவர்கள், வேலை தேடுபவராக France Travail-ல் பதிவு செய்யப்பட்டிருக்க வேண்டும் அல்லது பணியில் உள்ளவராக இருந்தால், குறைந்தபட்சம் €100 தொகையை முதலாளி அல்லது மற்ற அங்கீகரிக்கப்பட்ட அமைப்பு மூலம் கூடுதலாக பெற வேண்டும்.

மேலும், CPF மூலம் லைசென்ஸ் பெற பயன்படுத்தக்கூடிய அதிகபட்ச தொகை €900 ஆக நிர்ணயிக்கப்பட்டுள்ளது. இந்த விதிமுறைகள் தற்போது “Mon Compte Formation” இணையதளத்தில் முழுமையாக சேர்க்கப்படாததால், தகுதி இல்லாதவர்களின் விண்ணப்பங்கள் ரத்து செய்யப்படலாம், ஆனால் அவர்கள் செலுத்திய தொகை திருப்பி வழங்கப்படும்.

அதே நேரத்தில், லாரி மற்றும் பயணிகள் போக்குவரத்து போன்ற தொழில்முறை லைசென்ஸ்களுக்கு CPF பயன்படுத்த அனுமதி தொடரும் என்று தெரிவிக்கப்பட்டுள்ளது.