ஆஸ்திரிய தலைநகர் வியன்னாவில் திங்கட்கிழமை, நவம்பர் 16ஆம் தேதி நடைபெற்ற கூட்டத்தில் ஜெர்மனி, டென்மார்க், கிரீஸ், நெதர்லாந்து மற்றும் ஆஸ்திரியாவின் அமைச்சர்கள் திட்டத்தை உறுதி செய்தனர். ருவாண்டா உள்துறை அமைச்சர் வின்சென்ட் பிருடாவும் கூட்டத்தில் பங்கேற்றார்.
சோதனைத் திட்டத்தில் 100 பேர் வரை
தொடக்கத்தில் சுமார் 100 பேரை மையத்தில் தங்க வைக்க திட்டமிடப்பட்டுள்ளது. பங்கேற்கும் ஒவ்வொரு நாட்டிலிருந்தும் சுமார் 20 குடியேறிகளை அனுப்பலாம். தங்கள் சொந்த நாட்டுக்கு நேரடியாகத் திருப்பி அனுப்ப முடியாதவர்களே இந்தத் திட்டத்தில் சேர்க்கப்படுவார்கள். அடைக்கலம் கோரும் விண்ணப்பங்கள் இன்னும் பரிசீலனையில் உள்ளவர்கள் அங்கு அனுப்பப்படமாட்டார்கள்.
ருவாண்டா அதிகாரிகள் இதை ‘வரவேற்பு மையம்’ எனக் குறிப்பிடுகின்றனர். இது வழக்கமான தடுப்பு மையமாக இயங்காது என்றும், அங்கு அனுப்பப்படுவோருக்கு தங்கியிருந்து வேலை செய்வதற்கான வாய்ப்பு இருக்கலாம் என்றும் தெரிவிக்கப்பட்டுள்ளது. ஐந்து நாடுகளும் 2027ஆம் ஆண்டுக்குள் சோதனை மையத்தைத் தொடங்க இலக்கு வைத்துள்ளன.
இந்த EU Rwanda return centre திட்டத்துக்கு ஐரோப்பிய ஆணையம் வரவேற்பு தெரிவித்துள்ளது. அதேவேளை, மனித உரிமை அமைப்புகள் மற்றும் சட்ட நிபுணர்கள் கடும் கவலை வெளியிட்டுள்ளனர். காலவரையற்ற தடுப்பு, மன உளைச்சல் மற்றும் பாதுகாப்பற்ற இடங்களுக்கு அனுப்பப்படுவதைத் தடுக்கும் ‘நான்-ரிஃபவுல்மென்ட்’ கொள்கை மீறப்படும் அபாயம் இருப்பதாக அவர்கள் எச்சரித்துள்ளனர். வியன்னாவில் திட்டத்துக்கு எதிராக போராட்டமும் நடைபெற்றது.






























