பிரான்சில் 90 நாள் விதி. சட்டத்தின் படி 90/180 நாள் விதியின் கீழ் தங்கும் பிரித்தானியா அமெரிக்கா கனடா ஆஸ்திரேலியா உள்ளிட்ட நாடுகளின் குடிமக்கள் அனுமதிக்கப்பட்ட காலத்தை மீறி தங்கினால் €198 அபராதம் விதிக்கப்படலாம். இது பொதுவாக நாட்டை விட்டு வெளியேறும் போது எல்லை அதிகாரிகள் கண்டறிந்தால் விதிக்கப்படும்.
ஒருவர் இன்னும் பிரான்சிலேயே தங்கியிருக்கும் போது காவல்துறை அல்லது குடியேற்ற அதிகாரிகளால் கண்டறியப்பட்டால் அபராதத்துடன் பிரான்சை விட்டு வெளியேறுமாறு உத்தரவும் வழங்கப்படலாம். சில சந்தர்ப்பங்களில் Schengen பகுதிக்குள் மீண்டும் நுழைவதற்கு பல ஆண்டுகள் தடை விதிக்கப்படுவதற்கும் வாய்ப்பு உள்ளது.
மேலும் 2025 அக்டோபரில் அமலுக்கு வந்த Entry/Exit System (EES) மூலம் எல்லை கடக்கும் ஒவ்வொருவரின் நுழைவு மற்றும் வெளியேறும் தகவல்கள் மின்னணு முறையில் பதிவு செய்யப்படுவதால், அனுமதிக்கப்பட்ட காலத்தை மீறியவர்கள் எளிதாக கண்டறியப்படுகின்றனர். 2026 ஏப்ரல் 20 வரை இந்த அமைப்பின் மூலம் 90/180 நாள் விதியை மீறியதாகக் கண்டறியப்பட்ட சுமார் 7,000 பேருக்கு ஐரோப்பிய ஒன்றியத்தில் நுழைவு மறுக்கப்பட்டுள்ளதாக தெரிவிக்கப்பட்டுள்ளது.
அதே நேரத்தில் சில நாட்கள் மட்டுமே தவறுதலாக அதிகமாக தங்கியிருந்தால் அதிகாரிகள் சூழ்நிலையை கருத்தில் கொண்டு நெகிழ்வாக அணுகலாம். ஆனால் ஒரு மாதம் போன்ற குறிப்பிடத்தக்க அளவு அதிகமாக தங்குவது கடுமையாகப் பார்க்கப்படலாம் என்றும் எச்சரிக்கப்பட்டுள்ளது.
