அக்டோபர் 17-ம் தேதியிலான போராட்டத்தின்போது பிரான்ஸ் முழுவதும் வன்முறை சம்பவங்கள் பதிவானதாக தெரிவிக்கப்பட்டது. இதுபோன்ற குழப்பம் மீண்டும் ஏற்படாத வகையில், காவல்துறை மற்றும் பாதுகாப்புப் படையினரின் எண்ணிக்கையை அதிகரிக்க உள்துறை அமைச்சர் Laurent Nuñez உத்தரவிட்டுள்ளார்.
காவல்துறை மற்றும் இராணுவப் படைகள் களமிறக்கம்
பிரான்ஸ் உள்துறை அமைச்சகத்தின் திட்டத்தில் BRI மற்றும் GIGN சிறப்புப் பிரிவுகள், ஹெலிகொப்டர்கள், Centaure கவச வாகனங்கள், தண்ணீர் பீரங்கிகள் ஆகியவை இடம்பெறும். Sentinelle நடவடிக்கையின் கீழ் பணியில் உள்ள இராணுவத்தினரும் பாதுகாப்பு ஏற்பாட்டில் இணைக்கப்படுவார்கள்.
நாட்டில் தற்போது சுமார் 10,000 இராணுவத்தினர் உள்ளதாக கூறப்படுகிறது. அவர்கள் பொது கட்டிடங்களைப் பாதுகாக்க நிலையான பணிகளில் ஈடுபடுத்தப்படலாம். இதன் மூலம் காவல்துறை மற்றும் ஜென்டர்மெரி படையினரை சட்டம்-ஒழுங்கு பணிகளுக்காக விடுவிக்க முடியும் என Laurent Nuñez நாடாளுமன்றத்தில் தெரிவித்தார்.
மேலும், புதிய நடவடிக்கை வேகம் மற்றும் நகர்வை மையமாகக் கொண்டிருக்கும். சிதறிய நிலையில் வேகமாக நகரும் குழுக்களை எதிர்கொள்ளும் வகையில் France October 24 security deployment செயல்படுத்தப்படும் என தெரிவிக்கப்பட்டுள்ளது. அக்டோபர் 17 மற்றும் 18 வன்முறை சம்பவங்களுக்குப் பிறகு பிரான்ஸில் இதுவரை 174 பேர் சிறையில் அடைக்கப்பட்டுள்ளதாக நீதித்துறை அமைச்சர் Gérald Darmanin கூறினார்.
