இன்ஸ்டாகிராம் கணக்கு முடக்கம் குறித்து ஹரிஷ் கூறியவை
சுமார் 1.3 மில்லியன் பின்தொடர்பவர்களைக் கொண்டிருந்த அவரது இன்ஸ்டாகிராம் கணக்கு, சம்பவத்திற்கு ஒரு மாதத்திற்கு முன்பு முடக்கப்பட்டதாக கூறப்படுகிறது. சமூக வழிகாட்டுதல்களுக்கு எதிராக செயல்பட்டதாக மெட்டா தெரிவித்ததாகவும் குறிப்பிடப்பட்டுள்ளது. இந்த முடக்கத்துக்கு யூடியூபர் ஜேசன் சாமுவேல் காரணம் என ஹரிஷ் தனது காணொளியில் குற்றம்சாட்டினார்.
தன்னைப் பற்றி ஆதாரமற்ற தகவல்கள் பரப்பப்பட்டதாகவும், பல கணக்குகள் மூலம் தொடர்ந்து புகார்கள் அளிக்கப்பட்டதால் கணக்கு முடக்கப்பட்டதாகவும் அவர் கூறினார். தனது கணக்கை மீட்கும் சட்ட நடவடிக்கைகளில் கவனம் செலுத்திய நேரத்தில் தன்னை மேலும் குறிவைத்து காணொளிகள் வெளியிடப்பட்டதாகவும் தெரிவித்தார்.
தனது மீது பணம் கேட்டு மிரட்டல், இணையவழி தொல்லை உள்ளிட்ட நடவடிக்கைகள் நடந்ததாகவும் ஹரிஷ் கூறினார். 2023-ல் சில நிதி உள்ளடக்கங்களில் தேவையான மறுப்புரை இடாதது தனது அனுபவமின்மையால் நடந்த தவறு என்றும், பின்னர் அதைத் திருத்தியதாகவும் அவர் தெரிவித்தார். Harish final videoவில், தன்னை ஆதரித்த குடும்பத்தினருக்கும் நண்பர்களுக்கும் நன்றி கூறியதுடன், ஜேசன் சாமுவேல் மீது சட்டப்படி நடவடிக்கை எடுக்க வேண்டும் என்றும் கேட்டுக்கொண்டார்.
