காரைக்குடி அருகே நடந்த கொலை வழக்கு
சாலிகிராமத்தைச் சேர்ந்த சின்னராஜ், ஓ.சிறுவயல் சாலையில் உள்ள உணவகத்தில் பணிபுரிந்து வந்தார். வெண்ணிலா என்ற பெண்ணுடன் திருமணம் செய்யாமல் ஒன்றாக வசித்து வந்ததாக கூறப்படுகிறது. சின்னராஜ் சிறையில் இருந்தபோது ராமேஸ்வரம் மண்டபம் பகுதியைச் சேர்ந்த நம்பு முனீஸ்வரனுடன் நட்பு ஏற்பட்டுள்ளது.
சிறையிலிருந்து வெளியே வந்த பின்னர், நம்பு முனீஸ்வரனை சின்னராஜ் தனது வீட்டுக்கு அழைத்து வெண்ணிலாவுக்கு அறிமுகப்படுத்தியுள்ளார். பின்னர் இருவருக்கும் நெருக்கம் ஏற்பட்டதாகவும், வெண்ணிலா சின்னராஜை விட்டு நம்பு முனீஸ்வரனுடன் தேவகோட்டையில் வாடகை வீட்டில் வசித்ததாகவும் போலீஸ் விசாரணையில் தெரிவிக்கப்பட்டுள்ளது.
இதனால் ஆத்திரமடைந்த சின்னராஜ், மதுபோதையில் இருவருக்கும் அடிக்கடி தொலைபேசியில் தகராறு செய்து மிரட்டியதாக கூறப்படுகிறது. இதையடுத்து நம்பு முனீஸ்வரன், ராமசாமியுடன் நள்ளிரவில் காரைக்குடிக்கு வந்துள்ளார். தேசிய நெடுஞ்சாலை பகுதியில் சின்னராஜை வழிமறித்த இருவரும், அரிவாள் மற்றும் கத்தியால் தாக்கியுள்ளனர்.
பலத்த காயமடைந்த சின்னராஜை குன்றக்குடி போலீசார் மீட்டு காரைக்குடி அரசு மருத்துவமனைக்கு அனுப்பினர். பின்னர் சிவகங்கை அரசு மருத்துவமனைக்கு கொண்டு செல்லும் வழியில் அவர் உயிரிழந்தார். இந்த Karaikudi murder case தொடர்பாக வழக்குப்பதிவு செய்த போலீசார், வெண்ணிலாவுக்கும் தொடர்பு உள்ளதா என விசாரித்து வருகின்றனர்.
