நீரிழிவு தடுப்பில் ஒருங்கிணைந்த நடவடிக்கை
இலங்கை நீரிழிவு சங்கத்துடன் இணைந்து யூனியன் அஷ்யூரன்ஸ் நிறுவனம் இந்த நிகழ்வில் பங்கேற்றது. சுகாதார பிரதி அமைச்சர் டாக்டர் முதித ஹன்சக விஜேமுனி, இலங்கை நீரிழிவு சங்கத் தலைவர் டாக்டர் மனில்க சுமனதிலக்கே உள்ளிட்ட சங்க நிர்வாக சபை உறுப்பினர்கள் மற்றும் யூனியன் அஷ்யூரன்ஸ் நிர்வாகக் குழு உறுப்பினர்கள் நிகழ்வில் கலந்து கொண்டனர்.
நீரிழிவுடன் வாழும் மக்களுக்கு ஆதரவையும் ஒற்றுமையையும் வெளிப்படுத்தும் அடையாளமாக நீல ஒளியில் மிளிர்ந்த தாமரைக் கோபுரம் அமைந்தது. இந்த ஆண்டின் உலக நீரிழிவு தினக் கருப்பொருளான “Early Action on Diabetes” என்பதையும் நிகழ்வு முன்னிறுத்தியது.
யூனியன் அஷ்யூரன்ஸ் நிறுவனத்தின் சமூகப் பொறுப்பு திட்டமான “சுவமாக” (Suwamaga), சுகாதார அமைச்சும் இலங்கை நீரிழிவு சங்கமும் இணைந்து செயல்படுத்தப்படுகிறது. சமூகங்களுக்கு நீரிழிவு மேலாண்மையில் உரிய நேரத்தில் ஆதரவு வழங்குவதும், இலங்கையில் அதிகரித்து வரும் நீரிழிவு சவாலை எதிர்கொள்வதும் இத்திட்டத்தின் நோக்கமாகும். Lotus Tower World Diabetes Day நிகழ்வு, இந்த நீண்டகால முயற்சியின் முக்கியத்துவத்தை மீண்டும் எடுத்துக்காட்டியது.




























