குடும்பக் கோயில் வளாகத்தில் கார் நிறுத்துவது தொடர்பாக, அக்கம் பக்கத்து வீடுகளில் வசிக்கும் இரு குடும்பத்தினரிடையே முன்விரோதம் இருந்து வந்ததாக போலீஸார் தெரிவித்தனர். இன்று கோயில் அருகே காரை நிறுத்தியிருந்த நரேனிடம், அங்கு வந்த செந்தில்குமார் தட்டிக் கேட்டுள்ளார். இதனால் இருவருக்கும் இடையே வாக்குவாதம் ஏற்பட்டு கைகலப்பாக மாறியது.
தகராறில் நான்கு பேருக்கு கத்திக்குத்து
நரேனுக்கு ஆதரவாகப் பேசிய அவரது பெரியப்பா நிக்கோலஸ் ராஜரத்தினத்தை, செந்தில்குமார் கத்தியால் குத்தியதாக போலீஸார் கூறினர். அவரைத் தடுக்க வந்த நரேனின் தந்தை டால்டனுக்கும் கத்திக்குத்து ஏற்பட்டது. பின்னர் நரேனும் செந்தில்குமாரும் காயமடைந்தனர்.
அக்கம் பக்கத்தினர் நான்கு பேரையும் மருத்துவமனைக்கு அனுப்பினர். மருத்துவமனைக்கு கொண்டு செல்லும் வழியிலேயே டால்டன் உயிரிழந்தார். தனியார் மருத்துவமனையில் சிகிச்சை பெற்ற நிக்கோலஸ் ராஜரத்தினமும் சிகிச்சை பலனின்றி உயிரிழந்தார். நரேனும் செந்தில்குமாரும் நெல்லை அரசு மருத்துவமனையில் தீவிர சிகிச்சை பெற்று வருகின்றனர்.
Nellai double murder தொடர்பாக நெல்லை சந்திப்பு போலீஸ் இன்ஸ்பெக்டர் செந்தில் தங்கதுரை வழக்குப்பதிவு செய்து விசாரணை நடத்தி வருகிறார். சம்பவ இடத்தில் போலீஸார் குவிக்கப்பட்டுள்ளதுடன், சிசிடிவி பதிவுகளும் ஆய்வு செய்யப்பட்டு வருகின்றன. மாநகர காவல் ஆணையர் தேஷ்முக் சேகர் சஞ்சய், துணை ஆணையர் சரவணன் ஆகியோர் சம்பவ இடத்துக்குச் சென்று விசாரணை நடத்தினர்.
