40 கிலோமீட்டர் துரத்தலுக்குப் பிறகு கார் மடக்கிப் பிடிப்பு
கடந்த 27ம் தேதி கோவில்பாளையம் காவல்துறையினர் வழக்கமான வாகனச் சோதனையில் ஈடுபட்டிருந்தனர். அப்போது கர்நாடக மாநிலத்தில் இருந்து வந்த சொகுசு காரை சந்தேகத்தின் பேரில் நிறுத்தி சோதனையிட்டனர். காரின் பின்புறத்தில் மூட்டைகள் இருந்ததால், உதவி ஆய்வாளர் விக்னேஷ் அவற்றைச் சோதனையிட முயன்றார்.
அப்போது காரில் இருந்த ராஜஸ்தான் மாநிலத்தைச் சேர்ந்த மூவர், காவல்துறையினரைத் தள்ளிவிட்டு கதவுகளை மூடி காரை வேகமாக ஓட்டிச் சென்றதாகக் கூறப்படுகிறது. இதைக் கண்ட தலைமைக் காவலர் வேல்முருகன், ஓடும் காரின் மேற்கூரையில் பாய்ந்து பிடித்துக்கொண்டார்.
சுமார் 40 கிலோமீட்டர் சென்ற பின்னர், அவிநாசி பகுதியில் ஆம்புலன்ஸ்கள் மற்றும் காவல் வாகனங்கள் காரைச் சுற்றிவளைத்து மடக்கிப் பிடித்தன. விசாரணையில் கைது செய்யப்பட்டவர்கள் பாபு தாரா, ராஜேஷ், சுரேஷ் எனவும், பெங்களூருவில் இருந்து 233 கிலோ குட்கா கடத்தி வந்ததாகவும் தெரியவந்தது.
இந்த காட்சிகள் சமூக வலைத்தளங்களில் வைரலான நிலையில், துணிச்சலுடன் செயல்பட்ட வேல்முருகனை தமிழ்நாடு முதலமைச்சர் ஜோசப் விஜய் நேரில் அழைத்து பாராட்டி வாழ்த்துத் தெரிவித்தார். Coimbatore gutka smuggling arrest சம்பவத்தில் காவலரின் நடவடிக்கைக்கு பல்வேறு தரப்பினரும் பாராட்டு தெரிவித்துள்ளனர்.
