திருவாரூர் மேட்டுப்பாளையம் பகுதியைச் சேர்ந்த சாமிநாதனுக்கு மனைவியும் இரண்டு பெண் குழந்தைகளும் உள்ளனர். அவர் அப்பகுதியில் கேபிள் டி.வி. நிறுவனம் நடத்தி வந்ததாகத் தெரிவிக்கப்பட்டுள்ளது.
மெடிக்கல் ஷாப் வாசலில் நடந்த சம்பவம்
சாமிநாதனுக்கு நெஞ்சு எரிச்சல் ஏற்பட்டதைத் தொடர்ந்து, திருவாரூர் பனகல் சாலையில் உள்ள மெடிக்கல் ஷாப்புக்கு தனது இருசக்கர வாகனத்தில் சென்றுள்ளார். வாகனத்தை வாசலில் நிறுத்திவிட்டு மாத்திரை கேட்டபோது, சில நிமிடங்களுக்குள் திடீரென மயங்கி கீழே விழுந்தார்.
அருகில் இருந்தவர்கள் அவரது முகத்தில் தண்ணீர் தெளித்தும் அசைவு ஏற்படவில்லை. தொடர்ந்து, 108 ஆம்புலன்ஸ் மூலம் திருவாரூர் அரசு மருத்துவக் கல்லூரி மருத்துவமனைக்கு அவர் அனுப்பி வைக்கப்பட்டார். அங்கு பரிசோதித்த மருத்துவர்கள், சாமிநாதன் ஏற்கனவே உயிரிழந்துவிட்டதாகத் தெரிவித்தனர்.
இதுகுறித்த தகவல் குடும்பத்தினருக்கு தெரிவிக்கப்பட்டதும் அவர்கள் கதறி அழுதனர். சாமிநாதன் மயங்கி விழுந்து உயிரிழந்த காட்சி வெளியாகியுள்ள நிலையில், இந்த Thiruvarur medical shop death சம்பவம் மேட்டுப்பாளையம் பகுதியில் சோகத்தை ஏற்படுத்தியுள்ளது.
