பொலிஸாரின் தகவலின்படி பெந்தோட்டை கடற்கரை வீதியை மையமாகக் கொண்டு இயங்கும் தனியார் நிறுவனம் ஒன்றினால் நடத்தப்பட்ட பராசெய்லிங் சேவையின் போது பறந்துகொண்டிருந்த பராசெய்ல் திடீரென கடலுக்குள் விழுந்துள்ளது. இதில் பயணியாக இருந்த பாலஸ்தீன பெண் உயிரிழந்ததுடன் பராசெய்லை இயக்கிய கொலம்பியா நாட்டைச் சேர்ந்த இயக்குநர் உயிர் தப்பியுள்ளார். Pentota Parasailing
உயிரிழந்த பெண்ணின் சடலம் உடற்கூறு பரிசோதனைக்காக நாகொட வைத்தியசாலையின் பிரேத அறையில் வைக்கப்பட்டுள்ளது. விபத்துக்கான துல்லியமான காரணம் இதுவரை உறுதிப்படுத்தப்படாத நிலையில் இயந்திரக் கோளாறு அல்லது பிற தொழில்நுட்ப காரணங்கள் தொடர்பிலும் விசாரணை முன்னெடுக்கப்பட்டு வருகிறது.
இலங்கையின் முக்கிய சுற்றுலா மையங்களில் ஒன்றான பெந்தோட்டாவில் சாகச சுற்றுலா நடவடிக்கைகள் பெருமளவில் நடைபெற்று வரும் நிலையில் இந்த சம்பவம் சுற்றுலா பாதுகாப்பு நடைமுறைகள் குறித்து மீண்டும் கேள்விகளை எழுப்பியுள்ளது. சம்பவம் தொடர்பாக பெந்தோட்டை பொலிஸார் மேலதிக விசாரணைகளை மேற்கொண்டு வருகின்றனர்.
