ஆண்களுக்கான மதிப்புமிக்க உறைவிடப் பள்ளியான ஈட்டனில், ஜோர்ஜின் முதல் நாள் நிகழ்வில் அவரது பெற்றோர் உடனிருந்தனர். கல்லூரி முதல்வர் அவர்களை வரவேற்று, ஜோர்ஜிடம் வாழ்த்துகளையும் நல்வாழ்த்துகளையும் தெரிவித்தார்.
அரச குடும்ப பாரம்பரியத்தைத் தொடரும் ஜோர்ஜ்
பிரிட்டிஷ் அரியணைக்கான வாரிசு வரிசையில் தனது தந்தை வில்லியத்திற்கு அடுத்த இடத்தில் ஜோர்ஜ் உள்ளார். ஈட்டன் கல்லூரியில் சேர்வதன் மூலம், தனது தந்தையின் கல்விப் பாதையையும் அவர் தொடர்கிறார்.
வில்லியம் 1995 செப்டம்பர் 6ஆம் தேதி, தனது பெற்றோர் இளவரசர் சார்லஸ் மற்றும் டயானாவுடன் ஈட்டனில் சேர்ந்தார். ஜோர்ஜின் மாமா ஹாரியும் 1998 செப்டம்பரில் இதே கல்லூரியில் இணைந்தார்.
15ஆம் நூற்றாண்டில் தொடங்கப்பட்ட ஈட்டன் கல்லூரி, பல தசாப்தங்களாக பிரிட்டிஷ் சமூகத்தின் முக்கிய தலைவர்களை உருவாக்கிய கல்வி நிறுவனமாகப் புகழ்பெற்றுள்ளது. இதுவரை பிரிட்டனின் 20 பிரதமர்கள் இங்கு கல்வி கற்றுள்ளனர்.
இதற்கு முன் ஜோர்ஜ் படித்த லாம்ப்ரூக் பள்ளியில், அவரது சகோதரி இளவரசி சார்லோட்டும் சகோதரர் இளவரசர் லூயிஸும் தொடர்ந்து கல்வி பயில்கின்றனர். Prince George Eton College வாழ்க்கையில் இனி உறைவிட மாணவராகத் தொடரவுள்ளார்.
