சுற்றுப்பாதையில் ஆறு முறை வலம் வர இலக்கு
அமெரிக்காவின் டெக்சாஸ் மாநிலத்தில் உள்ள SpaceX சோதனை மையத்திலிருந்து ராக்கெட் புறப்பட உள்ளது. சுமார் 10 மணி நேரம் நீடிக்கும் இந்தப் பயணத்தில் Starship சுமார் 275 கிலோமீட்டர் உயரத்தை எட்டும் என எதிர்பார்க்கப்படுகிறது. பூமியை ஆறு முறை சுற்றுவதே முக்கிய இலக்காகும்.
2023ஆம் ஆண்டு ஏப்ரல் மாதம் முதல் SpaceX நிறுவனம் இந்த முயற்சியை 13 முறை மேற்கொண்டுள்ளது. எனினும், Starship இதுவரை துணைச் சுற்றுப்பாதை பயணத்தை மட்டுமே நிறைவேற்றியுள்ளது. விண்வெளி எல்லையைத் தாண்டியிருந்தாலும், பூமியைச் சுற்றியுள்ள சுற்றுப்பாதையில் தொடர்ந்து நிலைநிறுத்தப்படவில்லை.
124 மீட்டர் உயரமுள்ள Starship-ல் இந்தப் பயணத்தின்போது 26 செயற்கைக்கோள்கள் எடுத்துச் செல்லப்படுகின்றன. சோதனை வெற்றியடைந்தால், செயற்கைக்கோள்களை விண்ணுக்கு அனுப்ப இந்த ராக்கெட்டை பயன்படுத்த SpaceX திட்டமிட்டுள்ளது. நீண்டகாலத்தில் மனிதர்களை செவ்வாய் கிரகத்துக்கு அழைத்துச் சென்று அங்கு வாழச் செய்வதும் நிறுவனத்தின் நோக்கமாக உள்ளது.
ஜூலை இறுதியில் நடைபெற்ற முந்தைய சோதனை வெற்றியடைந்ததாக தெரிவிக்கப்பட்டுள்ளது. அதனைத் தொடர்ந்து நடைபெறும் Starship Flight 14 சோதனையும் வெற்றியடையும் என SpaceX எதிர்பார்க்கிறது.
