ஈரோடு மாவட்டம் நம்பியூர் லாகம்பாளையம் பகுதியைச் சேர்ந்த ஜானகி, கணவர் நடராஜ் உயிரிழந்த பிறகு, திருப்பூர் மாவட்டம் அவிநாசி அருகே உள்ள சேவூரில் தந்தை பழனிசாமி மற்றும் மகளுடன் வசித்து வந்தார். கால்நடை வளர்ப்பை வாழ்வாதாரமாகக் கொண்டிருந்த அவர், கடந்த 4-ம் தேதி வழக்கம்போல் ஆடுகளை மேய்க்க அழைத்துச் சென்றார். மாலை நீண்ட நேரமாகியும் அவர் வீடு திரும்பாததால், தந்தை தேடிச் சென்றார்.
காவல்துறை விசாரணையில் பைக் மெக்கானிக் கைது
அருகிலிருந்த விளைநிலத்தில் ஆடைகள் களையப்பட்ட நிலையில், உடல் முழுவதும் காயங்களுடன் ஜானகி இறந்து கிடந்தார். தகவலறிந்த காவல்துறையினர் உடலை மீட்டு விசாரணை நடத்தினர். அவர் பாலியல் வன்கொடுமைக்கு உள்ளாக்கப்பட்டு கொலை செய்யப்பட்டிருப்பது விசாரணையில் தெரியவந்ததாக காவல்துறை தெரிவித்தது.
தனிப்படை விசாரணையில், ஈரோடு மாவட்டம் திங்களூரைச் சேர்ந்த செந்தில்குமார் மீது சந்தேகம் ஏற்பட்டது. குட்டகம் பகுதியில் பைக் மெக்கானிக் தொழில் செய்து வந்த அவர், ஜானகி தனியாக ஆடு மேய்க்கச் செல்வதை கவனித்து, சம்பவ நாளில் பின்தொடர்ந்ததாக காவல்துறை கூறியது. ஜானகி கூச்சலிட்டதால் தலையில் கல்லால் தாக்கி கொலை செய்துவிட்டு தப்பிச் சென்றதாகவும் தெரிவிக்கப்பட்டுள்ளது. Tiruppur woman murder case தொடர்பாக வேறு யாருக்காவது தொடர்பு உள்ளதா என்றும் விசாரணை நடைபெற்று வருகிறது.
