2026 ஏப்ரல் 12ஆம் தேதி ஐக்கிய அரபு அமீரகம் (UAE) தனது “Entry Requirements” அதிகாரப்பூர்வ இணையதளத்தை புதுப்பித்து அனைத்து வகையான துபாய் விசா விண்ணப்பங்களையும் முழுமையாக டிஜிட்டல் முறையில் செயல்படுத்தும் புதிய திட்டத்தை அறிமுகப்படுத்தியுள்ளது.
இந்த மாற்றத்தின் மூலம் சுற்றுலா விசா, தொழில் விசா, ரிமோட் வேலை விசா போன்ற அனைத்து விசாக்களும் இனி ஆன்லைன் அரசாங்க தளங்கள் (ICP Smart Services, GDRFA Dubai) விமான சேவை மையங்கள் அல்லது அங்கீகரிக்கப்பட்ட ஹோட்டல்கள் மற்றும் பயண முகவர்கள் மூலம் மட்டுமே விண்ணப்பிக்க முடியும்.
நேரடியாக தூதரகங்களில் (Embassy) நேரில் சென்று விண்ணப்பிப்பது இனி ஏற்கப்படாது எனவும் தெளிவுபடுத்தப்பட்டுள்ளது. மேலும் 80க்கும் மேற்பட்ட நாடுகளின் குடிமக்களுக்கு 30 அல்லது 90 நாட்கள் வரை விசா-ஆன்-அறைவல் (visa on arrival) தொடரும் என்றும், GCC நாடுகளின் குடிமக்களுக்கு விசா தேவையில்லை என்றும் அறிவிக்கப்பட்டுள்ளது.
புதிய அப்டேட்டில் “Unified Number” என்ற வசதி சேர்க்கப்பட்டுள்ளது இது Emirates ID புதுப்பிப்பில் உள்ள வெளிநாட்டவர்களுக்கு முக்கிய உதவியாக இருக்கும். Visa Mastercard UnionPay போன்ற ஆன்லைன் கட்டண முறைகள் அதிகாரப்பூர்வமாக ஏற்கப்படும் என்றும் ஓவர்ஸ்டே (overstay) அபராத கணக்கிடும் டிஜிட்டல் கருவியும் சேர்க்கப்பட்டுள்ளது.
நிறுவனங்கள் மற்றும் வேலைக்காக UAEக்கு செல்லும் நபர்கள் இப்போது முழுமையான paperless (காகிதமில்லா) செயல்முறைக்கு தயாராக இருக்க வேண்டும் அதற்காக UAE PASS டிஜிட்டல் அடையாளத்தை உருவாக்குவது அவசியம். இந்த மாற்றம் மூலம் செயல்முறை வேகமாகவும் எளிதாகவும் மாறும் என்றும் எதிர்காலத்தில் e-gate (smart gate) பயன்பாடு மேலும் விரிவடையும் என்றும் அரசு குறிப்பிட்டுள்ளது.
