ஆனால் இந்தத் தடை இரண்டு ஆண்டுகளைத் தாண்டக்கூடாது. மேலும், அது பொருந்தும் புவியியல் பகுதி, தடை செய்யப்படும் பணியின் தன்மை ஆகியவை ஒப்பந்தத்தில் தெளிவாக குறிப்பிடப்பட வேண்டும். முதலாளியின் வாடிக்கையாளர்கள் அல்லது ரகசிய வணிகத் தகவல்களை அணுகிய பணியாளர்களின் சூழலில் மட்டுமே, நிறுவனத்தின் நியாயமான வணிக நலன்களைப் பாதுகாக்கும் அளவுக்கு இத்தடை இருக்க வேண்டும்.
ஒப்பந்தத்தில் ஊழியர்கள் கவனிக்க வேண்டியவை
ஒரே துறையில் எந்தப் பணியையும் செய்யக்கூடாது என்ற பொதுவான தடை, பணியாளரின் உண்மையான பொறுப்புகளுடன் தொடர்பில்லாமல் இருந்தால் சவால் செய்யப்படலாம். காலம், பகுதி அல்லது பணிவகை தெளிவாக இல்லாதபோதும் UAE non-compete clause அமலாக்கத்துக்கு எதிர்ப்பு தெரிவிக்க முடியும்.
சர்ச்சை நீதிமன்றத்துக்குச் சென்றால், ஏற்பட்ட சேதத்தையும் அதன் அளவையும் நிரூபிக்கும் பொறுப்பு முதலாளியிடமே இருக்கும். முதலாளி சட்டத்தை மீறி ஒப்பந்தத்தை முடித்தால், போட்டித் தடை செல்லாது. முதலாளியின் விருப்பத்தால் அல்லது சட்ட, ஒப்பந்தக் கடமைகளை மீறியதால் வேலை முடிவடைந்தாலும் இந்த விதி பொருந்தாது.
சோதனைக்கால முடிவு, குறிப்பிட்ட தொழில்முறை விலக்குகள் மற்றும் முன்னாள் முதலாளியின் எழுத்துப்பூர்வ ஒப்புதலுடன் அதிகபட்சம் மூன்று மாத ஊதிய இழப்பீடு வழங்கும் ஏற்பாடு போன்ற சில விதிவிலக்குகளும் உள்ளன. கையெழுத்திடுவதற்கு முன் போட்டித் தடை, ரகசியத்தன்மை, வாடிக்கையாளர் தொடர்பு மற்றும் அறிவுசார் சொத்து விதிகளை ஊழியர்கள் முழுமையாகச் சரிபார்க்க வேண்டும்.
