இது பசிபிக் பிராந்தியத்தில் ஆஸ்திரேலியாவுக்கு முக்கியமான மூலோபாய முன்னேற்றமாகக் கருதப்படுகிறது. வனுவாட்டில் சீனா 2023ஆம் ஆண்டு முதல் சிறிய அளவிலான பொலிஸ் பயிற்சிக் குழுவை வைத்துள்ளது. சீனத் தூதரகம் அந்த நாட்டின் பொலிஸ் படைக்கு கண்காணிப்பு ட்ரோன்கள், மோட்டார் சைக்கிள்கள், ரோந்து படகுகள், சீருடைகள், சிற்றுந்துகள், கலவரக் கட்டுப்பாட்டு உபகரணங்கள் மற்றும் தடயவியல் ஆய்வக உபகரணங்களை வழங்கியுள்ளது.
வனுவாட்டு–ஆஸ்திரேலியா பாதுகாப்பு ஒத்துழைப்பு
இரு நாடுகளின் கூட்டு அறிக்கையில், ஆஸ்திரேலியா வனுவாட்டின் நீண்டகால முதன்மை பொலிஸ் கூட்டாளி என குறிப்பிடப்பட்டுள்ளது. சீனாவுடனான பொலிஸ் ஏற்பாடு காலவரையறையுடனும், காலப்போக்கில் குறையும் என எதிர்பார்க்கப்படுவதாகவும் அந்த அறிக்கை கூறுகிறது. அதேவேளை, Vanuatu Australia Nakamal Agreement சட்டபூர்வமானது என்றும், அதற்கு காலாவதி இல்லை என்றும் தெரிவிக்கப்பட்டுள்ளது.
வனுவாட்டு பிரதமர் ஜோதம் நபாட், ஆஸ்திரேலிய பொலிஸ் அதிகாரிகளின் எண்ணிக்கையை அதிகரிக்க இதுவரை தனது அரசு அனுமதி வழங்கவில்லை எனக் கூறியுள்ளார். அத்தகைய நடவடிக்கைக்கு இரு அரசுகளும் உடன்பட வேண்டும் என்றும் அவர் தெரிவித்துள்ளார்.
இந்த ஒப்பந்தத்தின் கீழ் அடுத்த பத்து ஆண்டுகளில் வனுவாட்டின் முக்கிய முன்னுரிமைகளுக்காக சுமார் 500 மில்லியன் தொகை செலுத்தப்பட உள்ளது. பொலிஸ் ஒத்துழைப்பு, வரவு–செலவு ஆதரவு, காலநிலை நடவடிக்கைகள், புதுப்பிக்கத்தக்க எரிசக்தி, குடிநீர் மற்றும் உள்கட்டமைப்பு ஆகியவை ஆரம்ப முன்னுரிமைகளாக அறிவிக்கப்பட்டுள்ளன.
