அந்தப் பரிவர்த்தனையைத் தொடங்கவில்லை என்றால் ‘நோ’ என்று பதிலளிக்குமாறு அடுத்த மெசேஜில் தெரிவிக்கப்பட்டிருந்தது. இதை நம்பிய பட்டயக் கணக்காளர், தான் அந்தப் பரிவர்த்தனையைத் தொடங்கவில்லை என்று கூறி ‘நோ’ எனப் பதிலளித்துள்ளார். சில மணி நேரங்களுக்குப் பிறகு, அவரது இரண்டு வங்கிக் கணக்குகளில் இருந்து மொத்தம் ரூ.1.70 லட்சம் எடுக்கப்பட்டுள்ளது.
வங்கி மெசேஜ்களை சரிபார்க்காமல் பதிலளிக்க வேண்டாம்
இந்த WhatsApp bank fraud எவ்வாறு நடைபெற்றது என்பது குறித்து சைபர் கிரைம் போலீஸார் விசாரித்து வருகின்றனர். வாட்ஸ்அப் மூலம் வங்கியைப் போன்ற மெசேஜ்கள் அனுப்பப்பட்டிருக்கலாம் என்ற கோணத்திலும் விசாரணை நடைபெறுகிறது.
வங்கி தொடர்பான மெசேஜ் வந்தால், அனுப்புநரின் பெயர், மெசேஜ் ஐடி, லோகோ மற்றும் தகவலில் உள்ள பிழைகளை கவனமாகச் சரிபார்க்க வேண்டும். தாங்களே தொடங்கிய பரிவர்த்தனை தொடர்பாக வந்த தகவல் என்றால் மட்டுமே வங்கியைத் தொடர்புகொண்டு உறுதிசெய்த பின் பதிலளிக்க வேண்டும். சந்தேகமான மெசேஜ்களை ஸ்கிரீன்ஷாட் எடுத்து வைத்துக்கொள்வது பயனுள்ளதாக இருக்கும்.
மோசடி நடந்தது தெரிந்தவுடன் உடனடியாக வங்கிக்குத் தகவல் தெரிவித்து, பரிவர்த்தனையை முடக்கக் கோர வேண்டும். பின்னர் சைபர் கிரைம் பிரிவிலும் புகார் அளிக்க வேண்டும்.
