வெள்ளிக்கிழமை தாக்கல் செய்யப்பட்ட சட்டப் புகாரில், பதிப்புரிமை மீறப்பட்ட ஒவ்வொரு பாடலுக்கும் அதிகபட்சமாக 150,000 அமெரிக்க டொலர் இழப்பீடு கோரப்பட்டுள்ளது. மொத்தக் கோரிக்கை 41 மில்லியன் அமெரிக்க டொலர் என தெரிவிக்கப்பட்டுள்ளது.
வழக்கில் குறிப்பிடப்பட்ட எல்விஸ் பாடல்கள்
All Shook Up, Can’t Help Falling in Love, A Little Less Conversation, Don’t Be Cruel மற்றும் Return To Sender உள்ளிட்ட பாடல்கள் பயன்படுத்தப்பட்டதாக புகாரில் குறிப்பிடப்பட்டுள்ளது. இவை உரிமம் பெறாத மாற்றுப் படைப்புகளை உருவாக்கப் பயன்படுத்தப்பட்டதாக Authentic Brands Group தெரிவித்துள்ளது.
ஆந்த்ரோபிக் நிறுவனத்தின் பேச்சாளர், குற்றச்சாட்டுகளுடன் தாங்கள் உடன்படவில்லை என்றும், இந்த வழக்கை முழுமையாக எதிர்கொள்ளப் போவதாகவும் தெரிவித்துள்ளார். நிறுவனம் ஏற்கெனவே பாதுகாப்பு கட்டுப்பாடுகளை அமைத்திருந்தாலும், Claude தொடர்ந்து பதிப்புரிமை மீறுவதாக புகாரில் கூறப்பட்டுள்ளது.
Anthropic Elvis copyright lawsuit மட்டும் அல்லாமல், பிற இசை உரிமையாளர்களிடமிருந்தும் ஆந்த்ரோபிக் சட்ட நடவடிக்கைகளை எதிர்கொள்கிறது. Reservoir நிறுவனம் பாடல் வரிகளைத் திருடியதாக கடந்த வாரம் குற்றம்சாட்டியது. Universal Music Group ஜனவரியில் வழக்கு தொடர்ந்தது. எழுத்தாளர்களின் படைப்புகளை செயற்கை நுண்ணறிவு மாதிரிகளைப் பயிற்றுவிக்க பயன்படுத்திய வழக்கில், கடந்த ஆண்டு 1.5 பில்லியன் அமெரிக்க டொலர் தொகையைச் செலுத்த ஆந்த்ரோபிக் ஒப்புக்கொண்டது.
