கடற்பரப்பில் மீன்பிடிக்கத் தடை
இந்த அமைப்பு அக்டோபர் 25ஆம் தேதி கிழக்கு மத்திய மற்றும் அதனுடன் இணைந்த தென்கிழக்கு வங்கக் கடல் பகுதிகளில் ஆழ்ந்த தாழ்வு மண்டலமாக வலுப்பெறும் என எதிர்பார்க்கப்படுகிறது. தொடர்ந்து மேற்கு-வடமேற்கு திசையில் நகரும் இது, அக்டோபர் 26ஆம் தேதி காலை புயலாகவும், அக்டோபர் 27ஆம் தேதி காலை மேற்கு மத்திய வங்கக் கடலில் தீவிர புயலாகவும் மாறக்கூடும் என தெரிவிக்கப்பட்டுள்ளது.
10° முதல் 20° வடக்கு அட்சரேகை மற்றும் 80° முதல் 95° கிழக்கு தீர்க்கரேகை வரையிலான ஆழ்கடல் பகுதிகளுக்கு கடற்படையினரும் மீனவர்களும் மேலதிக அறிவிப்பு வரும் வரை செல்ல வேண்டாம் என அறிவுறுத்தப்பட்டுள்ளனர். அந்தப் பகுதிகளில் இருப்பவர்கள் பாதுகாப்பான இடங்களுக்கு நகருமாறும் கேட்டுக்கொள்ளப்பட்டுள்ளது. எதிர்வரும் வானிலை முன்னறிவிப்புகள் மற்றும் அறிவிப்புகளை தொடர்ந்து கவனிக்குமாறும் தெரிவிக்கப்பட்டுள்ளது.
Bay of Bengal cyclone தாக்கத்தால் தீவைச் சுற்றியுள்ள கடற்பரப்புகளில் பல இடங்களில் மழை அல்லது இடியுடன் கூடிய மழை பெய்யக்கூடும். தென்மேற்கு திசையில் மணிக்கு 30 முதல் 40 கிலோமீட்டர் வேகத்தில் காற்று வீசும். திருகோணமலை முதல் பொத்துவில் வரையிலான கடற்பகுதிகளில் சில நேரங்களில் காற்றின் வேகம் 50 முதல் 60 கிலோமீட்டர் வரை அதிகரிக்கலாம்.
புத்தளம் முதல் பொத்துவில் வரையிலான கடற்பரப்பில் அலைகளின் உயரம் 2 முதல் 2.5 மீட்டர் வரை அதிகரிக்கக்கூடும். இடியுடன் கூடிய மழையின்போது மணிக்கு 60 முதல் 70 கிலோமீட்டர் வேகத்தில் தற்காலிகமாக பலத்த காற்றும், மிகவும் கொந்தளிப்பான கடலும் ஏற்படலாம்.
