இலங்கை மத்திய வங்கி வாகனங்களுக்கான அதிகபட்ச குத்தகை விகிதங்களை திருத்தி புதிய விதிமுறைகளை இன்று அறிவித்துள்ளது.

புதிய தீர்மானத்தின் படி, வணிக வாகனங்களுக்கு அதிகபட்ச குத்தகை விகிதம் 70 சதவீதமாக குறைக்கப்பட்டுள்ளதுடன், தனியார் வாகனங்களுக்கு 50 சதவீதமாக நிர்ணயிக்கப்பட்டுள்ளது.

இத்துடன், இவ்வருடம் ஜூலை மாதத்தில் மத்திய வங்கி அனுமதி வழங்கிய விகிதங்கள் பின்வருமாறு இருந்தன:

• வணிக வாகனங்களுக்கு – 80%
• தனியார் வாகனங்களுக்கு – 60%
• மூன்றுசக்கர வாகனங்களுக்கு – 50%
• பிற வாகனங்களுக்கு – 70%

ஆனால், புதிய திருத்தத்தின் மூலம், முன்னர் இருந்த நான்கு பிரிவுகள் இரண்டு முக்கிய பிரிவுகளாக ஒருங்கிணைக்கப்பட்டுள்ளன.
அதாவது, ஒன்று வணிக வாகனங்களுக்காக, மற்றொன்று மோட்டார் கார்கள், வேன்கள், மூன்றுசக்கரங்கள் மற்றும் பிற வாகனங்களுக்கு பொருந்தும் வகையில் மாற்றம் செய்யப்பட்டுள்ளது.