ஐஸ் ஹவுஸ் பகுதியைச் சேர்ந்த சரசுவின் மகனான அஜித், சம்பவத்தின்போது வீட்டின் முன்பு அமர்ந்திருந்தார். அவரை கும்பல் தாக்கியதைத் தடுக்க முயன்ற சரசுவுக்கும் வெட்டு காயம் ஏற்பட்டது. பின்னர் அந்தக் கும்பல் பைக்கில் அங்கிருந்து தப்பிச் சென்றதாக கூறப்படுகிறது.
முன்விரோதம், கஞ்சா விற்பனை கோணத்தில் விசாரணை
தகவல் கிடைத்ததும் ஐஸ் ஹவுஸ் காவல் நிலையத்தினர் சம்பவ இடத்துக்கு சென்றனர். படுகாயமடைந்த அஜித்தை மீட்டு மருத்துவமனைக்கு அழைத்துச் சென்றபோது, அவர் ஏற்கெனவே உயிரிழந்துவிட்டதாக மருத்துவர்கள் தெரிவித்தனர். காயமடைந்த சரசுவுக்கு சிகிச்சை அளிக்கப்பட்டது.
இந்தச் சம்பவம் தொடர்பாக கொலை வழக்கு பதிவு செய்த போலீஸார், தப்பியோடிய கும்பலைத் தேடி வருகின்றனர். முதற்கட்ட விசாரணையில் முன்விரோதம் காரணமாகக் கொலை நடந்திருக்கலாம் எனத் தெரியவந்துள்ளது. கஞ்சா விற்பனையும் சம்பவத்துக்கான ஒரு காரணமாக இருக்கலாம் என போலீஸார் விசாரித்து வருகின்றனர். பிரபல ரௌடி ஒருவருக்கும் அவரது கூட்டாளிகளுக்கும் தொடர்பு இருப்பதாகத் தெரியவந்ததையடுத்து, அவர்களைத் தேடும் பணி தீவிரப்படுத்தப்பட்டுள்ளது. Chennai murder case விசாரணை தொடர்ந்து நடைபெற்று வருகிறது.
