ஆறு தனிப்படைகள் அமைத்து தேடுதல்
கோவை மாவட்டம் அன்னூர் காவல் நிலையத்தில் பதிவு செய்யப்பட்ட வழிப்பறி வழக்கில் ராகவனை காவல் துறையினர் கைது செய்திருந்தனர். நீதிமன்றத்தில் ஆஜர்படுத்தப்பட்ட அவரை, கடந்த 31ஆம் தேதி சிறையில் அடைப்பதற்காக கோவை மத்திய சிறை வளாகத்துக்கு அழைத்து வந்தனர்.
அப்போது பாதுகாப்புப் பணியில் இருந்த காவலர்களைத் தள்ளிவிட்டு ராகவன் தப்பியோடினார். இதுகுறித்த புகாரின் பேரில் பந்தயசாலை காவல் துறையினர் வழக்குப் பதிவு செய்து தேடுதல் நடவடிக்கையைத் தொடங்கினர்.
ராகவனைப் பிடிக்க ஆறு தனிப்படைகள் அமைக்கப்பட்டன. ட்ரோன் கண்காணிப்பு, சிசிடிவி கேமரா காட்சிகள் ஆய்வு மற்றும் வாகனச் சோதனைகள் மூலம் பல்வேறு இடங்களில் தேடுதல் நடைபெற்றது. Coimbatore prison escape விசாரணையின் ஒரு பகுதியாக, பணியின்போது கவனக்குறைவாக இருந்ததாகக் கூறி அன்னூர் காவல் நிலைய உதவி ஆய்வாளர் அப்துல் முத்தலிப், தலைமை காவலர் ரஞ்சித் மற்றும் ஆயுதப்படையைச் சேர்ந்த இரு காவலர்கள் பணியிடைநீக்கம் செய்யப்பட்டனர்.
தேனி மாவட்டம் தேக்கம்பட்டி சிறையிலிருந்து 17 கைதிகள் தப்பிய சம்பவத்தின் பரபரப்பு நீடித்த நிலையில், கோவை சிறை வளாகத்திலிருந்தும் கைதி தப்பிய சம்பவம் அதிர்ச்சியை ஏற்படுத்தியது.
