ரசாயனம் தடவிய பணத்துடன் சிக்கிய அதிகாரிகள்
கவுந்தப்பாடி ராயர் பாளையத்தைச் சேர்ந்த விவசாயி கார்த்திக்குக்குச் சொந்தமான 3.50 ஏக்கர் நிலத்தைப் பதிவு செய்வதற்காக, கவுந்தப்பாடி சப்-ரிஜிஸ்டர் சங்கரை அவர் அணுகியுள்ளார். நிலப் பதிவுக்கு கட்டாயமாக ரூ.7 லட்சம் வழங்க வேண்டும் என சங்கர் கூறியதாகத் தெரிவிக்கப்பட்டுள்ளது.
லஞ்சம் வழங்க விரும்பாத கார்த்திக், லஞ்ச ஒழிப்புத்துறையில் புகார் அளித்தார். அதிகாரிகளின் வழிகாட்டுதலின்படி, ரூபாய் நோட்டுகளில் ரசாயனம் தடவி அந்தப் பணம் தயாரிக்கப்பட்டது. பின்னர், அந்தப் பணத்தை சங்கரிடம் வழங்க கார்த்திக் அனுப்பப்பட்டார்.
பணத்தைப் பத்திர எழுத்தர் வெற்றியிடம் கொடுக்குமாறு சங்கர் கூறியுள்ளார். இதையடுத்து, நேற்று மாலை கார்த்திக் அந்தப் பணத்தை வெற்றியிடம் வழங்கினார். அப்போது மறைந்திருந்த லஞ்ச ஒழிப்புத்துறை இன்ஸ்பெக்டர் ரேகா தலைமையிலான போலீஸார், வெற்றியையும் சங்கரையும் கையும் களவுமாக கைது செய்தனர். Erode land registration bribe தொடர்பான இந்த நடவடிக்கை கவுந்தப்பாடியில் பரபரப்பை ஏற்படுத்தியுள்ளது.
