காவல்துறை நடவடிக்கைகளில் தொடர்ச்சியான தவறுகள்
ஐந்து நாட்கள் நடைபெற்ற விசாரணையில், சம்பவத்திற்கு முன்பு காவல்துறையிடம் உதவி கோரி நான்கு முறை தகவல் தெரிவிக்கப்பட்டது தெரியவந்தது. கிரெட்ல் அவசர சேவையை இருமுறை அழைத்தபோதும், ஒவ்வொரு முறையும் ஒரு நிமிடத்துக்கும் மேலாக காத்திருந்த நிலையில் அழைப்பு துண்டிக்கப்பட்டது. காவல்துறை நடைமுறைக்கு மாறாக, அந்த அழைப்புகளுக்கு மீண்டும் தொடர்பு கொள்ளப்படவில்லை.
அரியல் பொம்பராவின் அழைப்பு இரண்டு நிமிடங்கள் 18 விநாடிகளுக்குப் பிறகே இணைக்கப்பட்டது. சம்பவம் முதலில் முன்னுரிமை இரண்டு எனப் பதிவாகி, ஐந்து நிமிடங்களுக்குப் பிறகே முன்னுரிமை ஒன்றாக உயர்த்தப்பட்டது. காவல்துறை 11 நிமிடங்களில் வந்தபோது, ஐந்து துப்பாக்கிச் சத்தங்களில் கடைசியைக் கேட்டது.
முன்னதாக, பொம்பராவிடம் துப்பாக்கிகள் இருப்பதாக குடும்பத்தினர் எச்சரித்தும் ஆயுதங்கள் பறிமுதல் செய்யப்படவில்லை. வீட்டில் தேடியிருந்தால் சட்டவிரோதமான 1,000-க்கும் மேற்பட்ட தோட்டாக்கள் கிடைத்திருக்கும். அவரது துப்பாக்கி உரிமம் சுமார் 20 ஆண்டுகளில் ஆறு முறை முறையாகச் சரிபார்க்காமல் புதுப்பிக்கப்பட்டது. எட்டு அதிகாரிகள் கடமையைச் செய்யத் தவறியதாகக் கண்டறியப்பட்டனர்.
மேற்கு ஆஸ்திரேலியா காவல்துறை தவறுகளை ஏற்றுக்கொண்டு, குடும்ப வன்முறை நடவடிக்கைகளை மேம்படுத்த 18 பரிந்துரைகள் வழங்கப்பட்டதாக தெரிவித்தது. அவற்றில் 14 நிறைவேற்றப்பட்டுள்ளன. Floreat murders inquest தொடர்பான மாநில துணை மரண விசாரணை அதிகாரியின் பரிந்துரைகள் அடுத்த ஆண்டு வெளியாகும் என எதிர்பார்க்கப்படுகிறது.
