பிரான்சில் வெளிநாட்டு குடியிருப்பு அனுமதி (Titre de séjour) விண்ணப்பங்கள் மற்றும் புதுப்பிப்புகளுக்காக பயன்படுத்தப்படும் ANEF (Administration numérique pour les étrangers en France) ஆன்லைன் தளத்தில் நீண்டகாலமாக இருந்து வந்த தொழில்நுட்ப கோளாறுகளை சரிசெய்ய பிரான்சின் உயர்ந்த நிர்வாக நீதிமன்றமான Conseil d’État அரசு மீது உத்தரவு பிறப்பித்துள்ளது.
இந்த தீர்ப்பின் படி உள்துறை அமைச்சகம் 6 மாதங்களுக்குள் France Immigration ANEF தளத்தின் கடுமையான செயலிழப்புகளை சரிசெய்ய வேண்டும் என்று நீதிமன்றம் கூறியுள்ளது. பல்வேறு மனித உரிமை மற்றும் குடியேற்ற ஆதரவு அமைப்புகள் தாக்கல் செய்த வழக்கின் அடிப்படையில் இந்த தீர்ப்பு வழங்கப்பட்டது.
ANEF தளத்தில் ஏற்பட்ட கோளாறுகளால் பல வெளிநாட்டவர்கள்
- தங்களது titre de séjour புதுப்பிக்க முடியாமல் போனது
- récépissé பெற தாமதம் ஏற்பட்டது
- வேலை உரிமை மற்றும் சமூக நல உதவிகள் பாதிக்கப்பட்டது
- சிலர் சட்டபூர்வ நிலையை இழக்கும் அபாயத்தையும் சந்தித்தனர்
என்று நீதிமன்றம் குறிப்பிட்டுள்ளது.
மேலும், விண்ணப்பதாரர்கள் தங்களது கோப்புகளை திருத்த முடியாத நிலை, ஒரே நேரத்தில் பல விண்ணப்பங்களை சமர்ப்பிக்க முடியாமை, தொழில்நுட்ப பிழைகள் மற்றும் உதவி பெற முடியாத சூழ்நிலைகள் ஆகியவையும் ANEF தளத்தின் முக்கிய பிரச்சினைகளாக குறிப்பிடப்பட்டுள்ளன.
பிரான்ஸ் அரசு தற்போது
- கூடுதல் பணியாளர்களை நியமித்தல்
- நிர்வாக நடைமுறைகளை எளிமைப்படுத்துதல்
- ஆன்லைன் செயல்முறைகளை மேம்படுத்துதல்
போன்ற மாற்றங்களை மேற்கொள்ள திட்டமிட்டுள்ளதாக தகவல்கள் வெளியாகியுள்ளன.
