2024 ஜனவரி 26 அன்று நிறைவேற்றப்பட்ட குடிவரவு கட்டுப்பாடு மற்றும் ஒருங்கிணைப்பு மேம்பாட்டு சட்டத்தின் கீழ் இந்தத் தேர்வு அறிமுகப்படுத்தப்பட்டுள்ளது. அதிகபட்சம் 45 நிமிடங்கள் நடைபெறும் இந்த டிஜிட்டல் தேர்வு 40 பல்தேர்வு கேள்விகளைக் கொண்டது (28 பொது அறிவு கேள்விகள், 12 சூழ்நிலை சார்ந்த கேள்விகள்).
ஒவ்வொரு கேள்விக்கும் 4 பதில்களில் ஒன்றே சரியானது. தேர்ச்சி பெற 80% மதிப்பெண், அதாவது குறைந்தது 32 சரியான பதில்கள் பெற வேண்டும். இந்தத் தேர்வு, பிரெஞ்சு குடியுரிமை பெறுவதற்கும், ஐரோப்பிய ஒன்றியத்திற்கு வெளியான நாடுகளைச் சேர்ந்தவர்கள் பல வருட குடியிருப்பு அனுமதி அல்லது நிரந்தர குடியிருப்பு அட்டை பெறுவதற்கும் கட்டாயம். இருப்பினும் குடியிருப்பு அனுமதி புதுப்பிப்பு விண்ணப்பம் செய்பவர்கள் மற்றும் அகதி பாதுகாப்பு (International Protection) பெற்றவர்கள் இந்தத் தேர்வில் இருந்து விலக்கு பெறுவார்கள்.
குடியிருப்பு அனுமதி விண்ணப்பிக்கும்முன் 24 மணி நேர குடிமக்கள் பயிற்சி (Civic Training) முடித்து அதன் பின்னர் இந்தத் தேர்வைத் தேர்ச்சி பெற வேண்டும். தேர்வுச் சான்றிதழுக்கு காலாவதி இல்லை. தேர்வில் குடியரசின் மதிப்புகள், அரசியல் அமைப்பு குடிமக்களின் உரிமைகள் மற்றும் கடமைகள் வரலாறு–பண்பாடு பிரெஞ்சு சமூக வாழ்வு போன்ற தலைப்புகளில் கேள்விகள் இடம்பெறும்.
