புதிய அறிவிப்பின்படி தற்போது 1.5% ஆக உள்ள Livret A ஆண்டு வட்டி விகிதம் 2026 ஆகஸ்ட் 1 முதல் 1.7% ஆக உயர்கிறது. இதேபோல் Livret A போலவே LDDS (Livret de Développement Durable et Solidaire) சேமிப்புக் கணக்கின் வட்டியும் 1.7% ஆக நிர்ணயிக்கப்பட்டுள்ளது.
அதே நேரத்தில் குறைந்த வருமானம் கொண்டவர்களுக்கான LEP (Livret d’Épargne Populaire) சேமிப்புக் கணக்கின் ஆண்டு வட்டி 2.5% ஆகவே தொடரும். கணக்கீட்டு விதிப்படி இந்த வட்டி குறைய வேண்டியிருந்தாலும் குறைந்த வருமானம் கொண்ட குடும்பங்களுக்கு தொடர்ந்து ஆதரவு வழங்கும் நோக்கில் இந்த விகிதம் மாற்றப்படாமல் வைத்திருப்பதாக தெரிவிக்கப்பட்டுள்ளது.
Banque de France பரிந்துரையின் அடிப்படையில் பொருளாதார மற்றும் நிதி அமைச்சகம் இந்த புதிய வட்டி விகிதங்களை அங்கீகரித்துள்ளது. கடந்த சில ஆண்டுகளில் பணவீக்கம் மற்றும் சந்தை நிலைமைகளுக்கு ஏற்ப Livret A மற்றும் LEP வட்டி பலமுறை மாற்றப்பட்ட நிலையில் இந்த புதிய உயர்வு சேமிப்பாளர்களுக்கு கூடுதல் வருமானத்தை வழங்கும்.
