பிரான்சில் வெளிநாட்டவர்களுக்கு வழங்கப்படும் குடியிருப்பு அனுமதி (Titre de séjour) தொடர்பான வரிகளில் முக்கியமான மாற்றம் அறிவிக்கப்பட்டுள்ளது. 2026 மே 1 முதல் இந்த அனுமதி பெற வேண்டிய கட்டணங்கள் அதிகரிக்கப்படுகின்றன.
பிரான்சில் குடியிருப்பு அனுமதி கட்டணம் உயர்வு மாற்றத்தின் படி முதன்முறையாக குடியிருப்பு அனுமதி அட்டை பெறும் நபர்கள் தற்போது செலுத்தும் 225 யூரோவிற்குப் பதிலாக 350 யூரோ செலுத்த வேண்டியுள்ளது.
| வகை | பழைய கட்டணம் | புதிய கட்டணம் (2026) |
|---|---|---|
| முதல் முறையாக Titre de séjour | 225 € | 350 € |
| குறைந்த கட்டணம் (மாணவர்கள், சில பிரிவுகள்) | 75 € | 150 € |
| புதுப்பிப்பு (Renewal) | 250 € | 250 € |
| தற்காலிக தங்குமதி அனுமதி (APS) | இல்லை | 100 € |
குறிப்பிட்ட சில பிரிவுகளுக்கு (மாணவர்கள் பருவகால தொழிலாளர்கள், குடும்ப இணைப்பு போன்றவை) வழங்கப்படும் குறைந்த கட்டணமும் 75 யூரோவிலிருந்து 150 யூரோவாக உயர்த்தப்பட்டுள்ளது. மேலும் அனுமதி புதுப்பிப்புக்கான கட்டணமும் 250 யூரோவாக உயர்த்தப்பட்டுள்ளது.
அதே நேரத்தில் தற்காலிக தங்குமிட அனுமதி (autorisation provisoire de séjour) பெறுவதற்கும் புதியதாக 100 யூரோ கட்டணம் அறிமுகப்படுத்தப்பட்டுள்ளது. இதனுடன் குடியுரிமை விண்ணப்பங்கள் மற்றும் நீண்டகால விசாக்களுக்கு விதிக்கப்படும் வரிகளும் அதிகரிக்கப்பட்டுள்ளன.
இந்த மாற்றங்கள் அனைத்தும் 2026 நிதி சட்டத்தின் ஒரு பகுதியாக அறிமுகப்படுத்தப்பட்டுள்ளன. இந்த புதிய கட்டணங்கள் பிரான்சில் வாழ விரும்பும் வெளிநாட்டவர்களுக்கு கூடுதல் செலவாக இருக்கும் என்று எதிர்பார்க்கப்படுகிறது.
