வங்கிகள் நிதி நிறுவனங்கள் மற்றும் மூன்றாம் தரப்பு நிதி நிறுவனங்கள் மூலம் இந்த கடன் வழங்கப்படுவதுடன் கடன் தொகையும் 10 ஆண்டுகளுக்குப் பிறகு விதிக்கப்படும் வட்டி விகிதமும் அந்த நிறுவனங்களால் தீர்மானிக்கப்படும்.
இந்த Advance Relocation Loan என்பது National Housing Agency (Anah) நிர்ணயித்துள்ள Modest மற்றும் Very Modest வருமான பிரிவில் உள்ள குடும்பங்களுக்கே வழங்கப்படுகிறது. குடும்பத்தில் உள்ள நபர்களின் எண்ணிக்கை மற்றும் வீடு அமைந்துள்ள பகுதி (Île-de-France அல்லது பிற பகுதிகள்) ஆகியவற்றின் அடிப்படையில் 2026 ஆம் ஆண்டுக்கான வருமான வரம்புகள் நிர்ணயிக்கப்பட்டுள்ளன. Île-de-France பகுதியில் ஒருவருக்கு €29,253 வரை, இரண்டு நபர்களுக்கு €42,933 வரை, மூன்று நபர்களுக்கு €51,564 வரை, நான்கு நபர்களுக்கு €60,208 வரை, ஐந்து நபர்களுக்கு €68,877 வரை வருமானம் உள்ளவர்கள் தகுதி பெறுவர். பிற பகுதிகளில் ஒருவருக்கு €22,259 வரை, இரண்டு நபர்களுக்கு €32,553 வரை, மூன்று நபர்களுக்கு €39,148 வரை, நான்கு நபர்களுக்கு €45,735 வரை, ஐந்து நபர்களுக்கு €52,348 வரை வருமானம் உள்ளவர்கள் தகுதியுடையவர்களாக கருதப்படுவர். ஒவ்வொரு கூடுதல் குடும்ப உறுப்பினருக்கும் தனித்தனியான வருமான வரம்பு கூடுதலாக வழங்கப்படுகிறது.
இந்த கடன் வீட்டின் உரிமையாளர் தாமே வசிக்கும் முதன்மை இல்லத்திற்கு மட்டும் வழங்கப்படும். வீடு குறைந்தது 2 ஆண்டுகள் முடிக்கப்பட்டதாக இருக்க வேண்டும். அதிகபட்சமாக €50,000 வரை கடன் பெறலாம். கடனின் முதல் 10 ஆண்டுகள் முழுவதும் வட்டி இல்லை, அந்த காலப்பகுதியின் வட்டி தொகையை அரசு ஏற்கிறது. அதன் பின்னர் விதிக்கப்படும் வட்டி விகிதத்தை கடன் வழங்கும் நிறுவனம் தீர்மானிக்கும். இந்த கடன் வீட்டின் மதிப்பை அடிப்படையாகக் கொண்டு மோர்ட்கேஜ் உத்தரவாதத்துடன் வழங்கப்படுகிறது. புதுப்பிப்பு பணிகள் கடன் அனுமதி பெற்ற நாள் முதல் 3 ஆண்டுகளுக்குள் முடிக்கப்பட வேண்டும். இந்த கடனின் முக்கிய அம்சமாக வீடு விற்கப்படும் போது அல்லது வாரிசு மாற்றம் (Inheritance) நடைபெறும் போதுமே கடன் திருப்பிச் செலுத்தல் கட்டாயமாகும்.
இந்த திட்டத்தின் கீழ் கூரை வெளிப்புற சுவர்கள் தரை மற்றும் ஜன்னல்–கதவுகளுக்கான வெப்ப ஒதுக்கீடு (Thermal Insulation) ஹீட்டிங் மற்றும் சூடுநீர் அமைப்புகளை நிறுவுதல் அல்லது மாற்றுதல் புதுப்பிக்கத்தக்க ஆற்றல் (Renewable Energy) பயன்படுத்தும் ஹீட்டிங் சாதனங்கள் நிறுவுதல் பல்வேறு பணிகளை ஒருங்கிணைத்து முழுமையான ஆற்றல் திறன் மேம்பாட்டை அடையும் Comprehensive Renovation பணிகள், மேலும் மின்சாரம் பயன்படுத்தாத Non-collective sanitation system புதுப்பிப்பு பணிகள் ஆகியவற்றுக்கு இந்த கடன் பயன்படுத்தலாம். கடன் விண்ணப்பிக்கும் போது செய்யப்படும் பணிகளின் விவரமான விளக்கம் மற்றும் மதிப்பீட்டு (Quote) ஆவணங்கள் சமர்ப்பிக்கப்பட வேண்டும்.
புதுப்பிப்பு பணிகள் RGE (Recognized Environmental Guarantor) சான்றிதழ் பெற்ற நிறுவனங்களால் மட்டுமே மேற்கொள்ளப்பட வேண்டும் சுகாதார இணைப்பு தொடர்பான சில பணிகளுக்கு மட்டும் விதிவிலக்கு வழங்கப்பட்டுள்ளது. மேலும், ஒரே புதுப்பிப்பு பணிக்காக PAR+ கடனையும் Eco-PTZ கடனையும் ஒன்றாக பயன்படுத்த முடியாது. இரண்டு கடன்களையும் பயன்படுத்த விரும்பினால் வேறு வேறு பணிகளுக்கான ஆவணங்களை தனித்தனியாக சமர்ப்பிக்க வேண்டும்.
இந்த வட்டி இல்லா கடன் திட்டம் குறைந்த மற்றும் நடுத்தர வருமானம் கொண்ட வீட்டு உரிமையாளர்களுக்கு மின்சார செலவை குறைக்கவும் வீடுகளின் ஆற்றல் திறனை உயர்த்தவும் அரசு வழங்கும் முக்கிய நிதி உதவியாக கருதப்படுகிறது.
