எழுத்துத் திறனுக்கும் இனி முக்கியத்துவம்
German Test for Immigrants (DTZ) தேர்வில் வாசித்தல், கேட்டல், பேசுதல் மற்றும் எழுதுதல் ஆகிய திறன்கள் மதிப்பிடப்படுகின்றன. இதுவரை, இரண்டு பிரிவுகளில் B1 நிலையைப் பெற்றால், மற்றொரு பிரிவை முழுமையாகத் தவிர்த்தாலும் தேர்வில் தேர்ச்சி பெறும் வாய்ப்பு இருந்தது. குறிப்பாக, கடினமானதாகக் கருதப்படும் எழுத்துப் பிரிவை சிலர் வெறுமையாக விட்டுவந்தனர்.
புதிய விதிகளின்படி, மூன்று பிரிவுகளில் குறைந்தது இரண்டு பிரிவுகளில் B1 நிலையைப் பெற வேண்டும். பலவீனமான ஒரு பிரிவில் A2 நிலை ஏற்கப்படும். இருப்பினும், கேட்டல் மற்றும் வாசித்தல் அல்லது எழுத்துப் பிரிவுகளில் குறைந்தது A2 நிலை கட்டாயமாகும். பேசுதல் பிரிவில் குறைந்தபட்சம் B1 நிலை பெற வேண்டும். இதனால் Germany DTZ test rules மாற்றங்களில் எழுத்துத் திறன் முக்கிய இடம் பெறுகிறது.
இந்தத் தேர்வு ஒருங்கிணைப்பு பாடநெறியின் ஒரு பகுதியாகவும், குடியுரிமை அல்லது நிரந்தர வதிவிட அனுமதிக்கான செயல்முறைகளிலும் பயன்படுத்தப்படுகிறது. கடந்த ஆண்டு 318,550 பேர் தேர்வு எழுதியதாகவும், அவர்களில் 55 சதவீதம் பேர் B1 நிலையை அடைந்ததாகவும் BAMF தெரிவித்துள்ளது. 32 சதவீதத்திற்கும் மேற்பட்டோர் A2 நிலையில் தேர்ச்சி பெற்றனர்; சுமார் 13 சதவீதம் பேர் A1 நிலையில் இருந்தனர் அல்லது அதற்கும் கீழே இருந்தனர்.
