இந்த தடுப்பு காரணமாக, ஈரானின் எண்ணெய் ஏற்றுமதி கடுமையாக பாதிக்கப்பட்டுள்ளது ஏற்றுமதி 80% வரை குறைந்துள்ளதாக மதிப்பீடுகள் கூறுகின்றன மேலும் பல மில்லியன் பீப்பாய் எண்ணெய் கப்பல்களில் சிக்கியுள்ளதால் நாட்டின் பொருளாதாரத்துக்கு பெரும் அழுத்தம் ஏற்பட்டுள்ளது.
இதே நேரத்தில் உலகளவில் எண்ணெய் விலைகள் கடுமையாக உயர்ந்துள்ளன ஏனெனில் உலகின் சுமார் 20% எண்ணெய் போக்குவரத்து நடைபெறும் இந்த முக்கிய கடல் வழி பெரும்பாலும் முடங்கியுள்ளது.
அமெரிக்கா மற்றும் ஈரான் இடையே போரை முடிவுக்கு கொண்டு வர பேச்சுவார்த்தைகள் நடைபெற்று வருகிறதாலும், அவை பலமுறை தடுமாறியுள்ளன. ஈரான் சமீபத்தில் புதிய சமாதான முன்மொழிவை வழங்கியுள்ளதாக தகவல்கள் தெரிவிக்கின்றன ஆனால் இரு தரப்பினருக்கும் இடையே நம்பிக்கை குறைவு காரணமாக உடனடி தீர்வு சாத்தியமில்லை என கருதப்படுகிறது.
இதற்கிடையில் லெபனானில் இஸ்ரேல் தாக்குதல்கள் தொடர்கின்றன. தற்காலிக நிறுத்தம் அறிவிக்கப்பட்டிருந்தாலும் தெற்கு லெபனானில் பல்வேறு இலக்குகள் மீது குண்டுவீச்சுகள் நடந்ததாக தகவல்கள் வெளியாகியுள்ளன.
இந்த நிலைமைக்கு தீர்வு காண அமெரிக்கா பல நாடுகளை இணைத்து “மாரிடைம் ஃப்ரீடம்” கூட்டமைப்பு போன்ற சர்வதேச முயற்சிகளை முன்னெடுக்க முயற்சிக்கிறது. இதன் நோக்கம் ஹோர்முஸ் நீரிணையில் மீண்டும் பாதுகாப்பான கப்பல் போக்குவரத்தை உறுதி செய்வதாகும்.
மொத்தத்தில் போர் நிறுத்தம் அறிவிக்கப்பட்டிருந்தாலும் நிலைமை இன்னும் நிலையானதாக இல்லை பொருளாதாரம், எரிசக்தி சந்தை மற்றும் மத்திய கிழக்கு பிராந்திய பாதுகாப்பு ஆகிய அனைத்திலும் இந்த மோதல் தீவிரமான தாக்கத்தை ஏற்படுத்தி வருகிறது.
