உடற்கூறு ஆய்வில் கொலை உறுதி
மணிகண்டனுக்கு கடந்த 22ஆம் தேதி இரவு திடீரென உடல்நலக்குறைவு ஏற்பட்டதாகக் கூறி, பாரதி அவரை வடசேரியில் உள்ள தனியார் மருத்துவமனைக்கு அழைத்துச் சென்றார். அவர் ஏற்கனவே இறந்துவிட்டதாக மருத்துவர்கள் தெரிவித்தனர். பின்னர், மற்றொரு மருத்துவமனையிலும் மரணம் உறுதி செய்யப்பட்டதைத் தொடர்ந்து உடல் வீட்டுக்குக் கொண்டு வரப்பட்டது.
மணிகண்டனின் கழுத்தில் கயிறு போன்ற பொருளால் இறுக்கப்பட்ட தழும்புகள் இருந்ததை போலீஸார் கவனித்தனர். உடலைப் பிரேதப் பரிசோதனைக்கு அனுப்புவதற்கு பாரதி எதிர்ப்பு தெரிவித்த நிலையில், போலீஸாரின் சந்தேகம் அதிகரித்தது. உடற்கூறு ஆய்வில் கழுத்து இறுக்கப்பட்டு மூச்சுத்திணறல் ஏற்பட்டதே மரணத்துக்குக் காரணம் என உறுதி செய்யப்பட்டது.
வீட்டில் இருந்த கண்காணிப்பு கேமராக்கள் சம்பவ இரவில் அணைக்கப்பட்டிருந்ததும் விசாரணையில் தெரியவந்தது. மின்சாரம் இல்லை என பாரதி கூறியபோதும், வீட்டில் இன்வெர்ட்டர் வசதி இருந்தது போலீஸாரின் கவனத்துக்கு வந்தது. தொடர்ந்து நடத்தப்பட்ட விசாரணையில், தூங்கிக் கொண்டிருந்த கணவரைக் கயிற்றால் இறுக்கியதாக அவர் ஒப்புக்கொண்டதாக போலீஸார் தெரிவித்தனர். தினமும் குடித்துவிட்டு துன்புறுத்தியதால் இந்தச் செயலில் ஈடுபட்டதாக அவர் கூறியுள்ளார். Kanyakumari husband murder case தொடர்பாக போலீஸார் தொடர்ந்து விசாரணை நடத்தி வருகின்றனர்.
