யானிஷெவ்ஸ்கி சிறிய விளம்பர நிறுவனம் நடத்தி வந்தவர். அவரது செல்போன் உள்ளிட்ட சில பொருட்கள் காணாமல் போயிருந்தன. தடயங்கள் மற்றும் நேரடி சாட்சிகள் இல்லாததால், வழக்கு 2001-ல் தீர்க்கப்படாத வழக்காக முடங்கியது.
செல்போன் விற்பனை மூலம் கிடைத்த முக்கியத் துப்பு
2003-ல் பழைய வழக்குகளை மறுஆய்வு செய்த ஆய்வாளர் ஜாசெக் ஸ்லெப்சோவ்ஸ்கி, காணாமல் போன செல்போன் போலந்தின் Allegro இணைய ஏல தளத்தில் விற்கப்பட்டதை கண்டுபிடித்தார். அந்தக் கணக்கு கிறிஸ்டியன் பாலாவுடையது. வ்ரோக்லாவ் பல்கலைக்கழகத்தில் தத்துவம் பயின்ற பாலா, எழுத்தாளராகவும் புகைப்படக் கலைஞராகவும் இருந்தார்.
அதே ஆண்டில் அவர் வெளியிட்ட ‘அமோக்’ நாவலில், முன்னாள் காதலியுடன் தொடர்பு வைத்ததாக சந்தேகித்த ஒரு தொழிலதிபரை கடத்தி, சித்திரவதை செய்து ஆற்றில் வீசிக் கொல்வது போன்ற சம்பவம் இடம்பெற்றிருந்தது. பொதுவெளியில் வெளியிடப்படாத உடற்கட்டு முறைகள், காயங்களின் விவரங்கள் மற்றும் ஆடைகள் பற்றிய தகவல்கள் நாவலில் இருந்தன. இதனால் போலீஸ் விசாரணை தீவிரமடைந்தது.
கயிறுகள் மற்றும் கடத்தல் உபகரணங்கள் வாங்கிய ரசீதுகள், இணையதள கஃபேகளில் இருந்து பெறப்பட்ட இணைய முகவரி ஆதாரங்கள் உள்ளிட்ட தடயங்களும் பாலாவுக்கு எதிராக சேகரிக்கப்பட்டன. Krystian Bala murder case-ல் அவர் 2005-ல் கைது செய்யப்பட்டார். 2007-ல் போலந்து நீதிமன்றம் அவருக்கு 25 ஆண்டுகள் சிறைத்தண்டனை விதித்தது. மேல்முறையீட்டுக்குப் பிறகு, 2008-ல் அதே தண்டனை உறுதி செய்யப்பட்டது.
