லண்டன் அல்மெய்டா திரையரங்கில் நடைபெற்ற ‘Golden Boy’ நாடகத்தில் ஜோஷ் ஓ’கானருடன் நடித்த ஒருவரே, 2027ஆம் ஆண்டில் நடிகர் ஓய்வு எடுத்து 007 கதாபாத்திரத்தில் நடிக்க உள்ளதாக கூறியதாக தகவல்கள் தெரிவிக்கின்றன. இந்த உரையாடல், நாடகக் குழுவின் கொண்டாட்ட நிகழ்ச்சிக்குப் பிறகு நடந்ததாகக் கூறப்படுகிறது. இருப்பினும், இந்த தகவலின் உண்மைத் தன்மை இதுவரை உறுதி செய்யப்படவில்லை.
அடுத்த 007 நடிகர் குறித்த அதிகாரப்பூர்வ அறிவிப்பு இல்லை
Amazon MGM Studios தயாரிக்கும் அடுத்த ஜேம்ஸ் பாண்ட் படத்திற்கு ‘Bond 26’ எனப் பெயரிடப்பட்டுள்ளது. இந்தப் படம் 2028ஆம் ஆண்டு வெளியாகலாம் என எதிர்பார்க்கப்பட்டாலும், அதிகாரப்பூர்வ வெளியீட்டு தேதி அறிவிக்கப்படவில்லை. படத்தின் கதைக்களமும், கதாநாயக நடிகரின் பெயரும் இன்னும் ரகசியமாக உள்ளன.
ஜோஷ் ஓ’கானருடன் ஜாக் லோடன் மற்றும் காலம் டர்னர் ஆகியோரும் இந்த வேடத்திற்கான பரிசீலனையில் இருப்பதாக கூறப்படுகிறது. BBCக்கு அளித்த பேட்டியில், இந்த வாய்ப்புக்காக தன்னை பரிசீலிப்பது பெருமையாகவும் நம்ப முடியாத அனுபவமாகவும் இருப்பதாக ஓ’கானர் தெரிவித்திருந்தார். ‘The Crown’ தொடரில் இளவரசர் சார்ல்ஸ் வேடத்தில் நடித்ததற்காக அவர் கோல்டன் குளோப் விருது பெற்றுள்ளார். Josh O’Connor James Bond குறித்த வதந்தி நீடித்தாலும், இறுதி முடிவு அதிகாரப்பூர்வமாக அறிவிக்கப்படவில்லை.
