தொடர்களுக்கிடையிலான ஒற்றுமைகள் குறித்து நீதிமன்றம்
‘இஆர்’ தொடரை உருவாக்கிய மைக்கேல் கிரைட்டனின் விதவை ஷெர்ரி கிரைட்டனும், ஜான் மைக்கேல் கிரைட்டன் அறக்கட்டளையும் இந்த வழக்கைத் தொடர்ந்துள்ளனர். ‘தி பிட்’ தொடர், உரிய அனுமதி அல்லது அங்கீகாரம் இல்லாமல் உருவாக்கப்பட்ட ‘இஆர்’ தொடரின் மறுஉருவாக்கம் என அவர்கள் குற்றஞ்சாட்டியுள்ளனர்.
கிரைட்டனின் ஒப்பந்தத்தில், அவரது வெளிப்படையான சம்மதமின்றி ‘இஆர்’ தொடரின் தொடர்ச்சிகள், கிளைகள் அல்லது மறுஉருவாக்கங்கள் உருவாக்கப்படக் கூடாது என்ற ‘உறைந்த உரிமைகள்’ விதி இருந்ததாக வழக்கில் தெரிவிக்கப்பட்டுள்ளது.
மூன்று நீதிபதிகள் கொண்ட குழு, அவசர சிகிச்சைப் பிரிவு பின்னணி, வேகமான கதைநடை, மருத்துவச் சொற்களின் பயன்பாடு, காயங்களின் வெளிப்படையான காட்சிகள் மற்றும் மருத்துவக் கல்லூரியிலிருந்து புதிதாக வரும் இளம் மருத்துவர்களுக்குப் பயிற்சி அளிப்பது உள்ளிட்ட பல ஒற்றுமைகளைச் சுட்டிக்காட்டியது.
‘தி பிட்’ தொடரை உருவாக்கியவர்கள், நிகழ்விடத்தை சிகாகோவிலிருந்து பிட்ஸ்பர்க்கிற்கு மாற்றியதாக கிரைட்டன் தரப்பு கூறுகிறது. வார்னர் பிரதர்ஸ் முன்பு இந்த வழக்கு ஆதாரமற்றது என்றும், ‘தி பிட்’ புதிய மற்றும் அசல் தொடர் என்றும் தெரிவித்திருந்தது. சமீபத்திய தீர்ப்பு குறித்து நிறுவனம் இதுவரை கருத்து தெரிவிக்கவில்லை.
எனினும், நடிகரும் தயாரிப்பாளருமான நோவா வைலி, நிர்வாகத் தயாரிப்பாளர் ஜான் வெல்ஸ், தொடர் பொறுப்பாளர் ஆர். ஸ்காட் ஜெம்மில் ஆகியோருக்கு எதிரான தனிப்பட்ட குற்றச்சாட்டுகளை நீதிமன்றம் தள்ளுபடி செய்தது. அவர்கள் கிரைட்டனின் ஒப்பந்த உரிமைகளை மீறக்கூடும் என்பதை அறிந்திருந்தனர் என்பதற்குப் போதிய ஆதாரம் இல்லை என நீதிபதிகள் தெரிவித்தனர். The Pitt ER lawsuit தொடர்பான மீதமுள்ள கோரிக்கைகள் தற்போது ஜூரி முன் பரிசீலிக்கப்பட உள்ளன.
