செப்டம்பர் 23ஆம் தேதி செவ்வாய்க்கிழமை இரவு 11 மணிக்கு முன்னதாக, குவாசுலு-நடால் மாகாணத்தில் உள்ள ஸிகோ பகுதியில் இந்தத் துப்பாக்கிச் சூடு நடந்தது. அப்போது அந்த வீட்டுக்குள் 14 பேர் இருந்ததாக காவல்துறை தெரிவித்துள்ளது.
சந்தேகநபர்களைத் தேடும் பணியில் காவல்துறை
முதற்கட்ட தகவலின்படி, மூன்று ஆண்கள் வீட்டுக்குள் நுழைந்து துப்பாக்கியால் சுட்டுள்ளனர். இதில் 10 பேர் சம்பவ இடத்திலேயே உயிரிழந்தனர். காயமடைந்தவர்களில் ஒருவர் மருத்துவமனைக்கு அழைத்துச் செல்லப்பட்ட பின்னர் உயிரிழந்தார்.
தாக்குதலுக்குப் பிறகு சந்தேகநபர்கள் தப்பிச் சென்றதுடன், உயிரிழந்தவர்களில் ஒருவருக்குச் சொந்தமான வாகனத்துக்கும் தீ வைத்துச் சென்றதாக கூறப்படுகிறது. KwaMakhutha shooting தொடர்பாக சந்தேகநபர்களைத் தேடும் நடவடிக்கையை குவாசுலு-நடால் காவல்துறை தொடங்கியுள்ளது.
தாக்குதலுக்கான காரணம் இதுவரை உறுதி செய்யப்படவில்லை. உயிரிழந்தவர்களில் சிலர் சட்டவிரோத நடவடிக்கைகள் தொடர்பாக குற்றப் புலனாய்வுப் பிரிவின் கண்காணிப்பில் இருந்ததாக காவல்துறை தெரிவித்துள்ளது. எனினும், இதுகுறித்த மேலதிக விவரங்கள் வெளியிடப்படவில்லை. போட்டிக் குழுக்களுக்கு இடையிலான மோதல் காரணமாக இருக்கலாம் என்ற சாத்தியத்தையும் காவல்துறை நிராகரிக்கவில்லை.
