2024 நாடாளுமன்றத் தேர்தல் தோல்விக்குப் பிறகு கட்சிக்குள் ஆய்வுக் கூட்டம் நடத்த வேண்டும் என்று கோரியதாகவும், அந்தக் கோரிக்கை கவனிக்கப்படவில்லை என்றும் மு.களஞ்சியம் தெரிவித்தார். 2026 சட்டமன்றத் தேர்தலில் வாக்கு சதவிகிதம் குறைந்தது குறித்தும் ஆய்வு தேவை என வலியுறுத்தியபோது, கட்சியின் முக்கிய நிர்வாகிகள் தன்னை விமர்சித்ததாக அவர் கூறினார்.
கட்சிக் கட்டமைப்பு குறித்து மு.களஞ்சியம் விமர்சனம்
மாவட்ட, ஒன்றிய நிர்வாகங்கள், உட்கட்சி தேர்தல் உள்ளிட்ட அடிப்படை கட்டமைப்புகள் நா.த.க.வில் இல்லை என்றும், தலைமை ஒருங்கிணைப்பாளர் சீமானை மையப்படுத்தியே கட்சி செயல்படுவதாகவும் அவர் குற்றம்சாட்டினார். தேர்தல் தோல்விகள் குறித்து உரிய ஆய்வு நடத்தப்படுவதில்லை என்றும் தெரிவித்தார்.
தனிநபர் ஆதிக்கம் இல்லாத, வெளிப்படையான நிதி நிர்வாகம் மற்றும் அனைவருக்கும் கருத்துரிமை கொண்ட அமைப்பை உருவாக்க விரும்புவதாக அவர் கூறினார். திருச்சியில் ஆலோசனைக் கூட்டம் நடைபெற்றுள்ளதாகவும், அடுத்த கூட்டம் சென்னையில் நடைபெற உள்ளதாகவும் தெரிவித்தார். செப்டம்பர் இறுதியில் புதிய கட்சி குறித்த அறிவிப்பு வெளியாகும் எனவும் கூறினார். M Kalanchiyam political party முயற்சியில் சே.முத்துப் பாண்டி உள்ளிட்ட பலர் பங்கேற்பார்கள் என அவர் குறிப்பிட்டார்.
