சுமந்திரன் கூறுகையில், தற்போது நடைமுறையில் உள்ள 1979 ஆம் ஆண்டின் 48ஆம் இலக்க பயங்கரவாதத் தடைச் சட்டத்துக்குப் பதிலாக, “பயங்கரவாதத்திலிருந்து அரசைப் பாதுகாக்கும் சட்டம்” என்கிற சட்ட வரைவின் உள்ளடக்கம் நீதியமைச்சின் இணையதளத்தில் வெளியிடப்பட்டுள்ளது.
புதிய வரைவில் மோசமான விடயங்கள்
புதிய சட்ட வரைவில் பழைய பயங்கரவாத தடைச் சட்டம் மற்றும் முன்மொழியப்பட்ட திருத்தச் சட்டங்களைவிட மிக மோசமான விதிகள் உள்ளடக்கப்பட்டுள்ளன. தேசிய மக்கள் சக்தி எதிரணியாக இருந்தபோது, பயங்கரவாத தடைச்சட்டம் முற்றாக நீக்கப்படும் என்றும், புதிய தனி சட்டம் தேவையில்லை என்றும் வாதித்தது.
சுமந்திரன் மேலும் தெரிவித்துள்ளார்:
“பயங்கரவாத தடைச்சட்டத்தைப் பதிலீடு செய்யும் வகையில் பிறிதொரு சட்டத்தை கொண்டு வருவதை ஏற்றுக்கொள்ள முடியாது. இந்தச் சட்ட வரைவின் உள்ளடக்கம் மிக மோசமானது. விரைவில் நாங்கள் எமது கரிசனைகளை நீதியமைச்சுக்கு அனுப்ப உள்ளோம்.”
அதிகாரப்பூர்வ தகவலின்படி, புதிய சட்ட வரைவின் பல விதிகள் அரசை கடுமையாக விமர்சிக்கும் வெளிப்பாடுகளுக்கும் கட்டுப்பாடுகளை விதிக்கும் வகையில் அமைந்துள்ளன எனக் குறிப்பிடப்பட்டுள்ளது.
