பாரிஸில் கடும் வெப்ப அலை தொடரும் நிலையில் பயணிகள் குளிர்ச்சியான பொதுப் போக்குவரத்தை தேர்வு செய்வது முக்கியமாகியுள்ளது. RATP தகவல்படி பாரிஸ் மெட்ரோவில் சுமார் 50% ரயில்கள் மட்டுமே ventilation réfrigérée எனப்படும் குளிரூட்டப்பட்ட காற்றோட்ட வசதியுடன் இயங்குகின்றன.
குறிப்பாக மெட்ரோ 1, 2, 5, 9, 11 மற்றும் 14 ஆகிய வழித்தடங்களில் இந்த வசதி உள்ளது. மெட்ரோ 4 வழித்தடத்தில் பகுதி அளவில் அதாவது 31 ரயில்களில் மட்டுமே இந்த வசதி உள்ளது. மேலும் மெட்ரோ 10-ல் புதிய MF19 ரயில்கள் படிப்படியாக அறிமுகமாகி வருகின்றன.
RER சேவைகளில் RATP இயக்கும் RER A முழுமையாக குளிரூட்டப்பட்ட காற்றோட்டத்துடன் உள்ளது. RER B-யில் MI79 மற்றும் MI84 புதுப்பிக்கப்பட்ட ரயில்களில் 84% அளவில் இந்த வசதி உள்ளது. Tramway சேவைகளில் RATP இயக்கும் T1, T2, T3A, T3B, T5, T6, T7 மற்றும் T8 வழித்தடங்கள் அனைத்தும் குளிரூட்டப்பட்ட காற்றோட்ட வசதியுடன் உள்ளதாக தெரிவிக்கப்பட்டுள்ளது.
ஆனால், இது வழக்கமான AC அல்ல. RATP விளக்கப்படி ventilation réfrigérée என்பது வெளி வெப்பநிலையை விட சில டிகிரி குளிர்ச்சியான காற்றை வழங்கும் முறை வழக்கமான climatisation போல நிரந்தர temperature கட்டுப்பாடு தராது.
அதனால் கடும் வெப்ப நேரங்களில் தண்ணீர் எடுத்துச் செல்வது கூட்டம் குறைந்த நேரத்தில் பயணம் செய்வது வயதானவர்கள் மற்றும் உடல்நலப் பிரச்சினை உள்ளவர்கள் தேவையற்ற பயணத்தை தவிர்ப்பது நல்லது.
