2028 முதல் கடன் சுமை அதிகரிக்கும் சஜித் எச்சரிக்கை

பணவீக்கம் உயர்ந்துள்ளதுடன் வாழ்க்கைச் செலவும் அதிகரித்துள்ளதாகவும் மக்களின் வருமான வாய்ப்புகள் பாதிக்கப்பட்டுள்ளதாகவும் அவர் தெரிவித்தார். மேலும் இலங்கையின் ஏற்றுமதி வருமானத்தில் முக்கிய பங்காற்றும் ஆடைத் தொழில்துறையில் ஹைடிராமணி, மாஸ் லங்கா மற்றும் பிராண்டெக்ஸ் போன்ற முன்னணி நிறுவனங்கள் பங்களாதேஷ் மற்றும் இந்தியா போன்ற நாடுகளில் முதலீடுகளை அதிகரித்து வருவதாகவும் உள்ளூர் தொழிற்சாலைகளை பாதுகாக்க அரசாங்கம் உடனடி நடவடிக்கை எடுக்க வேண்டும் என்றும் வலியுறுத்தினார். தகவல் தொழில்நுட்ப ஏற்றுமதி துறைக்கு 18 சதவீத வரி விதிக்கப்பட்டிருப்பது இளைஞர்களின் எதிர்கால வளர்ச்சிக்கு தடையாக அமையும் என்றும் இத்தகைய வரிக் கொள்கைகள் நாட்டின் பொருளாதார ஸ்திரத்தன்மையை பாதிக்கும் அபாயம் உள்ளதாகவும் சஜித் பிரேமதாச எச்சரித்தார்.