இன்று காலை சுமார் 9 மணியளவில், சேலம் ஜங்ஷன் ரயில் நிலையப் பகுதியிலிருந்து டேவிட் தனது இருசக்கர வாகனத்தில் வந்துகொண்டிருந்தார். அப்போது, இருசக்கர வாகனங்களில் பின்தொடர்ந்து வந்த 5 பேர் கொண்ட கும்பல், புதுரோடு மேம்பாலம் அருகே அவரை வழிமறித்ததாக காவல்துறை தெரிவித்துள்ளது.
அவர்களிடமிருந்து தப்பிக்க டேவிட் பாலத்தைத் தாண்டி ஓடியபோது, கால் தடுமாறி கீழே விழுந்துள்ளார். அந்த நேரத்தில் கும்பல் அவரைச் சரமாரியாக வெட்டிவிட்டு தப்பியோடியதாகவும், சம்பவ இடத்திலேயே அவர் உயிரிழந்ததாகவும் தெரிவிக்கப்பட்டுள்ளது.
முன்விரோதம் உள்ளிட்ட கோணங்களில் விசாரணை
கடந்த மாதம் மத்தியப் பொருளாதாரக் குற்றப்பிரிவில் பதிவு செய்யப்பட்ட ₹65 லட்சம் மோசடி வழக்கில் டேவிட் முதல் குற்றவாளியாக இருந்துள்ளார். இந்த வழக்கில் சென்னை உயர் நீதிமன்றத்தில் முன்ஜாமீன் பெற்றிருந்த நிலையில் அவர் கொலை செய்யப்பட்டுள்ளார்.
பணப் பரிவர்த்தனை மற்றும் மோசடி தொடர்பான பகை காரணமாக கொலை நடந்ததா, உள்ளூர் ரௌடி கும்பல்களுடன் இருந்ததாகக் கூறப்படும் ரியல் எஸ்டேட் தொழில் போட்டி அல்லது தொழில்முறை முன்விரோதம் காரணமா என்பதையும் போலீசார் விசாரித்து வருகின்றனர். இந்த Salem daylight murder வழக்கில், மாநகர காவல் துணை ஆணையாளர் பாஸ்கரன் தலைமையில் அமைக்கப்பட்ட தனிப்படைகள் 5 பேரையும் தேடி வருகின்றன. டேவிட்டின் உடல் பிரேதப் பரிசோதனைக்காக அனுப்பப்பட்டுள்ளது.
