காவலாளியை கட்டிப்போட்டு சி.சி.டி.வி. கேமராக்கள் சேதம்
சின்னேரி வயக்காடு பகுதியைச் சேர்ந்த பாலசுப்பிரமணியம் வெள்ளி வணிகம் செய்து வருகிறார். வெள்ளிக் கட்டிகளில் இருந்து தயாரிக்கப்படும் பொருள்களை இருப்பு வைப்பதற்காக அவர் குடோன் மற்றும் பட்டறையை நடத்தி வந்தார். கடந்த ஞாயிற்றுக்கிழமை வணிகத்தை முடித்துவிட்டு இடத்தை பூட்டிச் சென்றுள்ளார்.
மங்கி கேப் எனப்படும் குரங்கு குல்லாக்களை அணிந்த நான்கு பேர் கொண்ட கும்பல், காவலாளியைத் தாக்கி கட்டிப்போட்டதாக காவல்துறை தெரிவித்துள்ளது. பின்னர் சி.சி.டி.வி. கேமராக்களை சேதப்படுத்திவிட்டு பட்டறைக்குள் நுழைந்து, வெள்ளிப் பொருள்களை மூட்டைகளாகக் கட்டி எடுத்துச் சென்றுள்ளனர். காயமடைந்த காவலாளி சிகிச்சை பெற்று வருகிறார்.
தீபாவளி விற்பனைக்காக குடோனில் அதிக அளவு வெள்ளி இருப்பதை தெரிந்துகொண்டு, கும்பல் சில நாட்கள் கண்காணித்து கொள்ளைக்கு திட்டமிட்டிருக்கலாம் என காவல்துறை தெரிவித்துள்ளது. Salem silver warehouse robbery தொடர்பாக கைரேகை நிபுணர்கள் ஆய்வு மேற்கொண்டுள்ளனர். சேலம் மாநகர காவல் ஆணையர் சம்பவ இடத்தை நேரில் பார்வையிட்டார். கொள்ளையர்களை பிடிக்க மூன்று தனிப்படைகள் அமைக்கப்பட்டுள்ளன.
